फाइल तस्वीर
काठमाडौं- पछिल्लो २४ घण्टामा १ लाख ९५ हजार १३२ जनाले कोरोनाविरुद्धको खोप लगाएका छन्।
भेरोसेल खोपको पहिलो मात्रा १ लाख २७ हजार ५६४, दोस्रो मात्रा ३ हजार ४०२ र जोन्सन एण्ड जोन्सन खोप ६४ हजार १६६ जनाले लगाएका हुन्।
योसँगै भेरोसेल खोपको दोस्रो मात्रा लगाउनको संख्या ७ लाख २५ हजार ४२५ पुगेको स्वास्थ्य तथा जनसंख्या मन्त्रालयले जनाएको छ।
यसअघि २२ लाख ३५ हजार ८०४ जनाले भेरोसेल खोपको पहिलो मात्रा लगाएका थिए। यता, जोन्सन एण्ड जोन्सन खोप लगाउनेको संख्या ६ लाख २७ हजार ७३८ पुगेको छ।
प्रदेश १ मा गत २४ घण्टामा १६ हजार ४० जनाले भेरोसल खोपको पहिलो लगाउँदा १ हजार ९२७ जनाले दोस्रो मात्रा लगाएका छन्।
प्रदेश २ मा २ हजार ५४५ जनाले भेरोसेलको पहिलो, २७० जनाले दोस्रो मात्रा लगाएका छन्। यस्तै, ९ हजार ९५८ जनाले जोन्सन एण्ड जोन्सन खोप लगाएको मन्त्रालयले जनाएको छ।
बागमती प्रदेशमा ७० हजार ४३६ जनाले भेरोसेलको पहिलो, २२२ जनाले दोस्रो लगाएका छन्। यस्तै, ५ हजार ३२९ जनाले जोन्सन एण्ड जोन्सन खोप लगाएका छन्।
गण्डकी प्रदेशमा ३ हजार ५२६ जनाले भेरोसेलको पहिलो, ९०६ जनाले दोस्रो र १ हजार ४९ जनाले जोन्सन एण्ड जोन्सनको खोप लगाएका छन्।
यता, लुम्बिनी प्रदेशमा १ हजार ६७५ जनाले भेरोसेलको मात्र पहिलो मात्रा लगाएका छन्। ३७ हजार ३७८ जनाले जोन्सन एण्ड जोन्सनको खोप लगाएको मन्त्रालयको तथ्यांक छ।
यस्तै, कर्णाली प्रदेशमा ५ हजार १०५ जनाले भेरोसेलको पहिलो मात्रा र ७ हजार ६३२ जनाले जोन्सन एण्ड जोन्सन खोप लगाएका छन्।
सुदूरपश्चिम प्रदेशमा २८ हजार २३७ जनाले पहिलो, ७७ जनाले दोस्रो र २ हजार ८२० जनाले जोन्सन एण्ड जोन्सनको खोप लगाएको मन्त्रालयले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
