काठमाडौं- भारतमा कोरोना विरुद्धको खोप मोडेर्नाले आपतकालीन प्रयोगकाे अनुमति पाएकाे छ। अनुमतिसँगै एक कम्पनीले आयातकाे अनुमतिसमेत पाएको छ।
भारतको औषधि नियन्त्रक संस्था (डीसीजीआई)ले मुम्बइस्थित औषधि कम्पनी सिपलालाई आपतकालीन प्रयोगका लागि मोडेर्ना खोप आयात गर्न अनुमति दिएको हो। मोडेर्नाको खोप भारतमा कोरोना विरुद्ध प्रयोगका लागि अनुमति दिइएको चौथो खोप हो।
भारतमा यसअघि अक्सर्फोड एस्ट्राजेनेकाले विकास गरेको र भारतीय खोप उत्पादक कम्पनी सेरमले उत्पादन गरेको खोप कोभिसिल्ड, भारतमै बनाइएको कोभ्याक्सिन र रसियन खोप स्पुतनिक भीलाई आपतकालीन प्रयोगका लागि अनुमति दिइसकिएको छ।
डीसीजीआइले ड्रग एण्ड कस्मेटिक्स एक्स, १९४० को नयाँ औषधि तथा क्लिनिकल परीक्षण नियम, २०१९ अनुसार सिपलालाई खोप आयातको अनुमति दिएको हो।
मोडेर्नाले अमेरिकी सरकारले त्यहाँ उपलब्ध मोडेर्ना खोप कोभ्याक्स फ्यासिलिटीमार्फत भारतलाई अनुदानमा दिन सहमत भएको भन्द २७ जुनमा डीसीजीआइसँग आपतकालीन प्रयोगका लागि अनुमति मागेको थियो। सिपलाले गत सोमबार अमेरिकी फार्मा कम्पनीतर्फबाट खोप आयात र बिक्री अनुमति मागेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
