काठमाडौं- विश्व स्वास्थ्य सङ्गठन (डब्ल्यूएचओ)का प्रमुख डा. टेड्रोस एड्हानोम गेहब्रेयसले नेपालमा स्वास्थ्यकर्मीले कोरोनाविरुद्धको खोप एक स्थानबाट अर्को स्थानमा पुर्याउनका लागि गरेको प्रयत्नको प्रशंसा गरेका छन्। उनले स्वास्थ्यकर्मीलाई नायक भन्दै प्रशंसा गरेका छन्।
मुस्ताङमा स्वास्थ्यकर्मीले कोरोनाविरुद्धको खोप लैजानका लागि मिहेनतपूर्वक खोला तारिरहेको भिडियो ट्विट गर्दै गेहब्रेयसले प्रशंसा गरेका हुन्।
असार १ गते मुस्ताङको छापताङ खोलामा बाढी आएर तर्न नसकिने भएपछि स्वास्थ्यकर्मीले पाइपको सहारले भ्याक्सिन राख्ने भाँडोलाई पारी तारेको भिडियो सामाजिक सञ्जालमा भाइरल बनेको थियो।
उक्त भिडियो सेयर गर्दै गेहब्रेयसले नागरिकको ज्यान बचाउनका लागि स्वास्थ्यकर्मी कति टाढा पुग्छन् भन्ने देखाएको उल्लेख गर्दै कतिपय स्थानमा यी नायकहरुले खोप नपाएको बताए। उनले के यो उचित हो? भन्दै प्रश्नसमेत गरेका छन्।
उनले सबैतिर खोप पुर्याउनका लागि हरसम्भव प्रयास गरिरहेको उल्लेख गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
