होटलको टेक अवे सेवा निरन्तर, अनलाइन डेलिभरीका लागि बिहान ७ बजेदेखि खोल्न पाइने

कोरोना अपडेट

नेपाल लाइभ आइतबार, जेठ ३०, २०७८ १७:११

काठमाडौं- काठमाडाैं उपत्यकामा जारी निषेधाज्ञा केही खुकुलो गरी पुन: थपिएको छ। निषेधाज्ञा एक हप्ता लम्बाइएको हो। यसअघि जारी गरेको निषेधाज्ञा सोमबार राति १२ बजे सकिँदैथियो।

भक्तपुरका प्रमुख जिल्ला अधिकारी प्रेमप्रसाद भट्टराईका अनुसार होटल/ रेस्टुरेन्टको टेक अवे सेवालाई निरन्तरता दिने निर्णय भएको छ। उनका अनुसार अनलाइन डेलिभरीका लागि होटलहरूलाई बिहान ७ बजेदेखि काम गर्न दिइने छ। तर, ग्राहकले होटलमा बसेर खान भने पाउने छैनन्।

आइतबार बसेकाे काठमाडौं, भक्तपुर र ललितपुरका प्रमुख जिल्ला अधिकारीको संयुक्त बैठकले तरकारी तथा खाद्यान्न पसल समेत बिहान ११ बजेसम्म सञ्चालन गर्न दिने निर्णय गरेकाे छ। यस अगाडि तरकारी तथा खाद्यान्न पसल बिहान ९ बजेसम्म सञ्चालन गर्न दिइएकाे थियाे।

यस्तै, फलफूल र पुस्तक पसल पनि ११ बजेसम्म खुल्ला गर्न पाइने छ। शैक्षिक सत्र सुरु हुने बेला भएकाले प्रशासनले पुस्तक पसल पनि खोल्न दिने निर्णय गरेको भक्तपुरका सीडीओ भट्टराईले बताए।

उनका अनुसार दिउँसो ४ बजेपछि हार्डवेयर पसल पनि खोल्ने निर्णय भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कांग्रेस नेता श्रेष्ठलाई मातृशोक

पूर्वविशिष्टलाई आजीवन सुविधा दिनेबारे सरकारको कुनै तयारी छैन – उपप्रधानमन्त्री सिंह

अमेरिकाको टेक्सस राज्य संसदद्वारा १३ मार्चलाई ‘नेपाली लुम्बिनी एड्भोकेसी डे’ घोषणा