काठमाडाैं- काठमाडाैं उपत्यकामा थप दुई घण्टा तरकारी तथा खाद्यान्न पसल सञ्चालन गर्न दिइने भएकाे छ।
आइतबार बसेकाे काठमाडौं, भक्तपुर र ललितपुरका प्रमुख जिल्ला अधिकारीको संयुक्त बैठकले तरकारी तथा खाद्यान्न पसल बिहान ११ बजेसम्म सञ्चालन गर्न दिने निर्णय गरेकाे हाे। यस अगाडि तरकारी तथा खाद्यान्न पसल बिहान ९ बजेसम्म सञ्चालन गर्न दिइएकाे थियाे।
यस्तै, फलफूल र पुस्तक पसल पनि ११ बजेसम्म खुल्ला गर्न पाइने छ। शैक्षिक सत्र सुरु हुने वेला भएकाले प्रशासनले पुस्तक पसल पनि खोल्न दिने निर्णय गरेको भक्तपुरका सीडीओ प्रेमप्रसाद भट्टराईले जानकारी दिए।
यता, अलनाइन डोम डेलिभरी सेवालाई पनि सुचारु गर्ने निर्णय भएको छ । अपरान्ह ४ बजेपछि हार्डवेयर पसल पनि खोल्ने निर्णय भएको सीडीओ भट्टराईले जानकारी दिए।
हालै, गृहमन्त्री खगराज अधिकारीले निर्माणका कार्यलाई सहजिकरण गर्न ७७ जिल्लाकै सीडीओलाई निर्देशन दिएका थिए । अलनाइन हाेम डेलिभरी सेवालाई पनि सुचारु गर्ने निर्णय भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
