काठमाडौं– काठमाडौं महानगरपालिकाले ६० देखि ६४ वर्षका व्यक्तिहरुलाई कोरोनाविरुद्धको पहिलो खोप आजबाट लगाउन सुरु गरेको छ।
कोभिड–१९ विरुद्धको ६० देखि ६४ वर्ष उमेर समूहमा पहिलो मात्राको भेरोसेल खोप लगाउनका लागि आजबाट २९ गतेसम्मको समय तोकिएको छ। त्यसका लागी काठमाडौं महानगरपालिकाले ३२ वटै वडामा केन्द्र तोकेको छ।
महानगरले उमेरसमूह अनुसार खोप लगाउने व्यवस्था गरेको छ। जसअनुसार आज ६४ वर्ष उमेर समूहका व्यक्तिलाई खोप लगाउने कार्यक्रम जारी रहेको छ। त्यस्तै २६ गते ६३ वर्ष, २७ गते ६२, २८ गते ६१ र २९ गते ६० वर्ष उमेर समूहका व्यक्तिलाई खोप लगाइने महानगरपालिकाले जनाएको छ।
महानगरले तोकिएको मितिमा मात्र खोप लगाउने कार्य गर्न अनुरोध गरेको छ। त्यस्तै खोप लगाउनका लागि उमेर खुलेको फोटोसहितको सरकारी कागजात र सरकारी कागजात नभएकाको हकमा वडा कार्यालयबाट उमेर खुलेको सिफारिस पत्र ल्याउन अनुरोध गरेको छ। त्यस्तै कोभिड १९ संक्रमण भएका वयक्तिहरुले एक महिना पूरा भएपछि मात्र खोप लगाउन मिल्ने छ।
कहाँ कहाँ छ खोप केन्द्र?
१. नन्दी रात्री स्कुल, नक्साल
२. २ नम्बर वडा कार्यालय, लाजिम्पाट
३. ३ नम्बर वडा कार्यालय, महाराजगञ्ज कान्ति सांस्कृतिक केन्द्र
४. ४ नम्बर वडा कार्यालय, बालुवाटार
५. ५ नम्बर वडा कार्यालय, हाँडीगाउँ
६. महेन्द्र बौद्ध उच्च माध्यमिक विद्यालय, बौद्ध
७. ७ नम्बर वडा कार्यालय, मित्रपार्क, चावहिल
८. गोल्डेन लाइट पार्टी प्यालेस, जय बागेश्वरी
९. अनुपम फुडल्याण्ड, बत्तीसपुतली
१०. म्याक डोनाल्ड पार्टी प्यालेस, मध्यबानेश्वर
११. विश्व निकेटन उच्च माध्यमिक विद्यालय, त्रिपुरेश्वर
१२. बुद्ध माई अस्पताल, टेकु
१३. जनप्रभात माध्यमिक विद्यालय, कालीमाटी
१४. वडा कार्यालय, भुवनेश्वरी कलंकी
१५. भुइँखेल चौर, स्वयम्भू
१६. बहुउद्देश्यीय मार्सल आर्ट केन्द्र, जुडो हल, नयाँ बजार
१७. पब्लिक युथ क्याम्पस, धोवीचौर
१८. पुष्पलाल पार्क, विष्णुमती किनार
१९. वडा १९ कार्यालय, परिसर
२०. शान्ति निकुञ्ज माध्यमिक विद्यालय, भगवती बारी
२१. सामुदायिक सहरी स्वास्थ्य क्लिनिक, यंगाल
२२. वडा कार्यालय, टेवहाल
२३. नव आदर्श विद्यालय, बसन्तपुर
२४. इतुमबहाल, तारणीबहाल
२५. कन्या मन्दिर स्कुल
२६. वडा कार्यालय परिसर, लैनचौर
२७. महावौद्ध चोक
२८. कार्यालय परिसर, सिटी मार्केट
२९. विजय स्मारक माध्यमिक विद्यालय, डिल्लीबजार
३०. सामुदायिक सहरी स्वास्थ्य क्लिनिक, ज्ञानेश्वर चोक
३१. इ. पि. यस. स्कूल, मीनभवन
३२. ३२ नम्बर वडा कार्यालय परिसर, पाल्पाकोट
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787382958.png)
-1786602170.png)
-1786513116.png)
