हप्तामा ५ वटा अन्तर्राष्ट्रिय उडान हुने, नेपाल एयरलाइन्सले कतार र दिल्ली उडान भर्ने

कोरोना अपडेट

नेपाल लाइभ मंगलबार, जेठ १८, २०७८ १८:४४

काठमाडौं– सरकारको निर्णयानुसार अब ३ देशका लागि हवाइ उडान खुला भएको छ।

बिहीबार (जेठ १३ गते) बसेको मन्त्रिपरिषद बैठकले गरेको निर्णयानुसार मंगलबारदेखि लागू हुने गरी चीन, टर्की र कतारका लागि उडान खुला भएको हो । यस्तै, भारतमा हुँदै आएको उडान पनि निरन्तर हुने छ।

जसअनुसार अब हरेक हप्ता ५ वटा नियमित उडान हुनेछन्। चीन, टर्की र कतारका लागि हप्तामा १–१ तथा भारतका लागि हप्तामा २ वटा उडान हुनेछन्।

राष्ट्रिय ध्वजावहाक नेपाल एयरलाइन्सले हप्तामा २ वटा नियमित उडान भर्ने भएको छ। नेपाल एयरलाइन्सले हरेक हप्ताको सोमबार काठमाडौं– दोहा(कतार)– काठमाडौं उडान भर्ने छ। यस्तै, हरेक हप्ताको बुधबार काठमाडौं–दिल्ली (भारत)– काठमाडौं उडान भर्ने छ।

यस्तै, टर्किस एयरलाइन्सले हरेक बिहीबार इस्तानबुल–काठमाडौं– इस्तानबुल उडान भर्ने छ। कतार एयरवेजले हरेक हप्ताको सोमबार दोहा– काठमाडौं– दोहा उडान भर्ने छ।

एयर इन्डियाले हरेक हप्ताको शुक्रबार दिल्ली– काठमाडौं– दिल्ली उडान भर्ने नेपाल नागरिक उड्डयन प्राधिकरणले जानकारी दिएको छ।

कोरोना भाइरस संक्रमणको दोस्रो लहर फैलिए पछि सरकारले वैशाख तेस्रो सातादेखि हवाई उाडनहरु रोकेको थियो । यसबीचमा नेपाल एयरलाइन्स र एयर इन्डियाले नेपाल–भारतबीच हप्तामा एक–एकवटा उडान भर्दै आएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अमेरिकाले दक्षिण अफ्रिकाका राजदूत रसूललाई देशबाट निकाल्यो

जग्गा कब्जाको आरोपपछि कांग्रेस नेता केसीले भने– मेरो चरित्र हत्या गर्न खोजियो, कानुनी उपचार खोज्छु

अन्तरिक्षमा अलपत्र दुई अन्तरिक्षयात्रीलाई फिर्ता ल्याउन स्पेसएक्सको रकेट प्रक्षेपण, ९ महिनादेखि किन रोकिएका थिए उनीहरु?