काठमाडौं- कोरोना संक्रमणबाट नेपाल प्रहरीका अर्का एक डिएसपीको मृत्यु भएकाे छ।
नेपाल प्रहरी अस्पताल, महाराजगञ्जमा उपचाररत् डिएसपी समिरचन्द्र खरेलको मृत्यु भएको अस्पताल स्रोतले जानकारी दिएको छ।
विगत दुई हप्तादेखि उनको उपचार भइरहेको थियो।
पछिल्लो समय उनी राष्ट्रिय प्रहरी प्रशिक्षण प्रतिष्ठान महाराजगञ्जमा कार्यरत थिए। त्यसभन्दा अघि संयुक्त राष्ट्र संघको मिसनमा गएका उनी मिसन डाउन साइज भएपछि पाँच महिनामै फर्किएका थिए ।
२०५१ सालमा उनी प्रहरी सहयाक निरीक्षक (असई)मा सेवा प्रवेश गरेका थिए। २०५८ सालमा भने उनी प्रहरी निरीक्षक (इन्सपेक्टर) बनेका थिए।
यसअघि प्रहरी अस्पतालमा उपचारकै क्रममा डिएसपी राजकुमार केसीको मृत्यु भएको थियो।
दोस्रो लहरको कोरोना सुरु भएसँगै नेपाल प्रहरीका चार जनाले ज्यान गुमाएका छन् । जसमा दुई डिएसपी र दुई असई छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789010467.jpg)
-1786602170.png)
