फाइल तस्वीर।
काठमाडौं- नेपाली कांग्रेसका केन्द्रीय सदस्य प्रदीप पौडेलको पहलमा ३०० बेडको आइसोलेसन सेन्टर सञ्चालनमा ल्याइएको छ।
नागार्जुन नगरपालिका-१ रानीवनमा आइसोलेसन सेन्टर शुरु गरिएको हो। नागार्जुन नगरपालिका, नेपाल चाटर्ड एशोसिएसन, नेपाल चाटर्ड एकाउन्टेन्ट एशोसिएसन र सर्वाङ अस्पताल प्रालि बीचमा समन्वय गरी आइसोलेसन शुरु गरिएको हो।
पौडेलको पहलमा शुरु गरिएको आइसोलेसन सेन्टर सञ्चालनको लागि पूर्ण अधिकार तीन संस्थालाई दिएको बताइएको छ। तत्कालको लागि आइसोलेसन सेन्टर र भविष्यमा अस्पतालकै रुपमा सञ्चालन गर्ने जिम्मेवारी पनि दिइएको छ।
आइसोलेसन स्थापनाका लागि आवश्यक पूर्वाधार र प्रारम्भिक चिकित्सकीय सामग्री तथा उपकरण पौडेलले उपलब्ध गराएका छन्। प्रारम्भमा १०० वटा अक्सिजन सिलिण्डर (आवश्यकता परेको खण्डमा थप सिलिण्डर उपलब्ध गराउने र निरन्तर भर्ने गरि), ३०० शय्या आइसोलेसन बेडको व्यवस्था गरिएको छ।
आइसोलेसनमा बस्नेहरुको लागि निःशुल्क उपचार र खानाको व्यवस्था गरिएको पाैडेलले बताए। आइसोलेसनको आवश्यकता पर्नेहरुका लागि सम्पर्क व्यक्तिहरु समेत खटाएको छ। जसका लागि प्रकाश ज्ञवाली (९८४१३८७८४२), भरत पौडेल (९८५१२०८३३८) र सुदीप लामा (एम्बुलेन्सका-९८६०७११५१९)लाई सम्पर्क गर्न सकिने जानकारी गराइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
