काठमाडाैं गण्डकी प्रदेशमा थप २२ कोरोना संक्रमितको मृत्यु भएको छ। मृतकमध्ये ७ जना कास्कीका, ५ जना नवलपरासी पूर्वका, ४ जना स्याङजाका, ३ जना गोरखा र २ बागलुङका तथा १ जना तनहुँका रहेका गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा विनोद विन्दु शर्माले जानकारी दिए।
चितवनमा उपचाररत कलेज अफ मेडिकल साइन्समा नवलपरासी पूर्व कावासोती नगरपालिका १३ का ४६ वर्षीया महिलाको मंगलबार मृत्यु भएको छ।
भरतपुर अस्पतालमा उपचाररत कावासवचती नगरपालिका ३ का ६१ वर्षीय पुरुषको बुधबार मृत्यु भएकाे हाे। यस्तै, नवलपरासी पूर्वकै गैँडाकोट नगरपालिका २ का ७३ वर्षीय पुरुषको बुधबार मृत्यु भएकाे थियाे। यता, विणय त्रिवेणी गाउँपालिका २ की ४७ वर्षीय महिलाको मृत्यु भएको छ।
नवलपरासी पूर्वकै गैँडाकोट नगरपालिका १२ का ५२ वर्षीय पुरूषको चितवन मेडिकल कलेजमा बुधबार मृत्य भएको छ। यस्तै, गोरखाको आरूघाट गाउँपलिका ५ का ८३ वर्षीय पुरुषको मंगलबार काठमाडौंको टिचिङ अस्पतालमा उपचारको क्रममा मृत्यु भएको छ।
गोरखाकै शहीद लखन गाउँपालिका ६ का ४४ वर्षीय पुरूषको मंगलबार काठमाडौं लैजाने क्रममा बाटैमा मृत्यु भएको थियाे। पोखरा महानगरपालिका १३ कास्कीकी ६३ वर्षीय महिलाको बुधबार पोखरा स्वास्थ्य विज्ञान प्रतिष्ठानमा उपचारकाे क्रममा मृत्यु भएकाे छ। पोखरा महानगर १३ कास्कीका ७८ वर्षीय पुरूषको बिहीबार मृत्यु साेही प्रतिष्ठानमा मृत्यु भएकाे छ।
यस्तै, पोखरा महानगर १७का ५७ वर्षीय पुरुषको बिहीबार गण्डकी मेडिकल कलेजमा मृत्यु भएकाे छ। पोखरा महानगरपालिका १२ का ७१ वर्षीय पुरूषको बुधबार गण्डकी मेडिकल कलेजमै मृत्यु भएको थियाे। यता, पोखरा महानगरपालिका १२ कास्कीकै ७९ वर्षीय पुरुषको बिहीबार होम आइसोलेशनमा उपचारको क्रममा मृत्यु भएको छ।
यस्तै, पोखरा महानगरपालिका १२ का ५८ वर्षीय पुरूषको बुधबार मणिपाल अस्पताललमा उपचारको क्रममा मृत्यु भएको छ। पोखरा महानगरकै ७८ वर्षीय पुरुषको चरक अस्पतालमा उपचारको क्रममा बुधबार मृत्यु भएको छ।
गल्याङ नगरपालिका ५ स्याङजाका ८१ वर्षीया पुरुषको गल्याङ नगर अस्पतालमा उपचारको क्रममा बुधबार मृत्यु भएकाे छ। कालीगण्डकी गाउँपालिका २ का ९० वर्षीय पुरूषको कालीगण्डकी अस्पतालमा आइतबार मृत्यु भएकाे थियाे।
पुतलीबजार नगरपालिका २ का ५० वर्षीय पुरूषको पोखरा स्वास्थ्य विज्ञान प्रतिष्ठानमा बुधबार मृत्यु भएकाे छ। यता, चापाकोट नगरपालिका ६का ६० वर्षीय पुरूषको गण्डकी मेडिकल कलेजमा बुधबार मृत्यु भएको छ।
बागलुङको ढोरपाटन नगरपालिका १ का ३८ वर्षीय पुरूषको मणिपाल शिक्षण अस्पतालमा उपचारका क्रममा बिहीबार मृत्यु भएको छ। बागलुङकै गलकोट नगरपालिका ६ का ७० वर्षीय पुरूषको गण्डकी मेडिकल कलेजमा उपचाररको क्रममा बिहीबार मृत्यु भएको छ। यस्तै, गण्डकी मेडिकल कलेजमा उपचाररत तनहुँको व्यास नगरपालिका १३ का ८० वर्षीय पुरूषको बुधबार मृत्यु भएको छ।
यता, गाेरखा जिल्ला शहिद लखन गाउँपालिका ७ का ६४ बर्षीइ काेराेना संक्रमित पुरुषकाे बुधबार गण्डकी मेडिकल कलेज, पाेखरामा मृत्यु भएकाे थियाे। यससँगै गण्डकी प्रदेशमा कोरोना संक्रमणबाट मृत्यु हुनेको संख्या ४७४ पुगेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
