काठमाडाैं- वीरगञ्ज महानगरपालिकाले आफ्नै अक्सिजन प्लान्ट सुरु गर्ने भएकाे छ। महानगरपालिका मेयर विजयकुमार सरावगीले सामाजिक सञ्जालमार्फत् अटोमेटिक अक्सिजन प्लान्ट र अक्सिजन सप्लाई गर्ने पाइपलाइन स्थापना गर्न लागेकाे जानकारी दिएका हुन्।
कोरोना महामारीलाई ध्यानमा राख्दै संक्रमितको उपचारमा चाहिने अत्यावश्यक अक्सिजन प्लान्ट वीरगञ्जस्थित नारायणी उपक्षेत्रीय अस्पतालमा जडान गर्न लागेकाे उनकाे भनाइ छ।
उनले २ करोड रुपैयाँ लगानीमा महानगरपालिकाले अक्सिजन प्लान्ट स्थापना गर्ने लागेकाे जानकारी दिए।
उनका अनुसार महानगरलाई विभिन्न दातृ निकायको सहयोग हुनेछ। साथै, ३ सय केभिएको ट्रन्सफर्मर, २० केभिएको युपीएस पनि जडान गरिने उनले बताए।
नारायणी अस्पतालमा पर्सा, बारा रौतहट, सर्लाहीसम्मका बिरामीले सेवा लिइरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
