काठमाडाैं- गण्डकी प्रदेशमा कोरोना संक्रमणबाट थप २८ जनाको मृत्यु भएको छ।
उपचारका लागि पोखरास्थित विभिन्न अस्पतालमा भर्ना भएका २८ जनाको मृत्यु भएको प्रदेश स्वास्थ्य निर्देशक डा विनोदबिन्दु शर्माले बताए। उनका अनुसार प्रदेशमा कोरोनाबाट एकै दिन मृत्यु हुनेको संख्या यो हालसम्मकै उच्च हाे।
कोरोना संक्रमणबाट मुत्यु हुनेहरुमा सबैभन्दा बढी स्याङजाका रहेका छन्। पछिल्लो २४ घण्टामा स्याङजाका ७, कास्की ६, तनहुँ ३ र लमजुङ २ का दुई संक्रमितकाे मृत्यु भएकाे छ।
यस्तै, नवलपरासीका २, काठमाडौं, रुपन्देही, मुस्ताङ, बागलुङ, गोरखा, दाङ, म्याग्दीका एक/एक जनाको मृत्यु भएको छ। मृत्यु हुनेमा ३३ देखि ९१ वर्ष उमेर समूहका रहेका छन्।
पोखरा महानगरपालिका ९ की ४३ वर्षीया कोरोना संक्रमित महिलाका मेडिप्लस अस्पतालमा मृत्यु भएको छ।
मणिपाल शिक्षण अस्पतालमा उपचार गरिरहेका पोखरा १४ का ८४ वर्षीय पुरुष, मुस्ताङको मुक्तिनाथ १ का ३३ वर्षीय पुरुष, काठमाडौं महानगरपालिका ३० की ५३ वर्षीया महिला, रुपन्देही तिलोत्तमा १६ का ६० वर्षीय पुरुषको मृत्यु भएको छ।
यस्तै, पोखरा ९ का ४२ वर्षीय पुरुष, स्याङ्जा वालिङ १३ की ५६ वर्षीय महिला, तनहुँ घिरिङ ३ का ६४ वर्षीय पुरुष, वालिङ ८ का ६२ वर्षीय पुरुष, पोखरा १५ का ८७ वर्षीय पुरुषको पोखरा स्वास्थ्य विज्ञान प्रतिष्ठानमा उपचारका क्रममा मृत्यु भएको छ।
पोखरा–१५ का ५६ वर्षीय पुरुष, बागलुङ कालिखोला–५ की ५० वर्षीय महिला, वालिङ–१३ का ५५ वर्षीय पुरुष, वालिङ १ का ४९ वर्षीय महिला, पोखरा– १ की ४९ वर्षीया महिला, बागलुङ बडिगाड–४ की ५४ वर्षीया महिलाको मृत्यु भएको छ।
गोरखा पालुङटारकी ६५ वर्षीया महिला, लमजुङ दोर्दी गाउँपालिका ८ की ४६ वर्षीया महिलाको पनि उपचारको क्रममा मृत्यु भएको छ।
यस्तै, दाङ तुलसीपुर ६ का ५२ वर्षीय पुरुष, नवलपुर मध्यविन्दू ५ का ७० वर्षीया महिला, कावासोती ३ की ४३ वर्षीया महिला, बेनी ४ का ५९ वर्षीय पुरुष, तनहुँ व्यास ४ की महिला र व्यास १३ का ९१ वर्षीय पुरुषकाे पनि उपचारकै क्रममा मृत्यु भएकाे छ।
स्याङ्जा गल्याङ ४ का ८३ वर्षीय पुरुष, गल्याङ ४ का ८६ वर्षीय पुरुष र अर्जुनचौपारी २ की ८० वर्षीया महिलाकाे उपचारकाे क्रममा मृत्यु भएकाे छ। योसँगै गण्डकी प्रदेशमा कोरोना संक्रमणबाट मृत्यु हुनको संख्या ३८३ पुगेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770562345.jpg)
-1764146706.png)
