काठमाडौं- नेपालमा पछिल्लो २४ घण्टामा ६ हजारभन्दा बढी संक्रमित कोरोनामुक्त भएका छन्।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार गत २४ घण्टामा ६ हजा ६४८ जना कोरोनामुक्त भएका छन्।
नेपालमा संक्रमणमुक्त हुने दर ७४. ६ प्रतिशत पुगेको उनले बताए।
यस्तै, सोही अवधिमा नेपालमा थप ७ हजार ३६८ जनामा कोरोना भाइरसको संक्रमण पुष्टि भएको छ।
मन्त्रालयका प्रवक्ता डा गौतमका अनुसार गत २४ घण्टामा देशभरका प्रयोगशालामा गरी १९ हजार ५ सय ३९ जनाको आरटी पीसीआर विधिबाट नमूना परीक्षण गरिएको थियो। पीसीआर विधिबाट गरिएको परीक्षणबाट ७ हजार ३ सय १६ जनामा संक्रमण पुष्टि भएको हो।
यस्तै, सोही अवधिमा देशभर ३ सय ४४ जनाको एन्टिजेन परीक्षण गरिएको प्रवक्ता गौतमले जानकारी दिए। एन्टिजेन परीक्षणबाट ५२ जनामा संक्रमण पुष्टि भएको हो।
यस्तै, गत २४ घण्टामा १४५ जना कोरोना संक्रमितको मृत्यु भएको छ। यससँगै नेपालमा कोरोनाबाट मृत्यु हुनेको संख्या ५ हजार १ पुगेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770562345.jpg)
-1764146706.png)
