काठमाडाैं– भारतको गुजरातमा गाईको गोवरले कोरोनाको उपचार हुन्छ भन्ने समूहलाई चिकित्सककाे समूहले चेतावनी दिएको छ। यसले कुनै पनि सुरक्षा गर्नुकाे साटाे उल्टाे हानी हुने चिकित्सककाे भनाइ छ।
शरीरमा गोवरको लेपन लगाएर नुहाएमा कोरोना भाइरसबाट सुरक्षा हुन्छ भन्नु भ्रम भएको भन्दै यसले उल्टै विभिन्न किसिमको संक्रमण हुनसक्ने चेतावनी दिएको छ।
मानिसहरुको एक समूहले गुजरातमा रहेको स्वामी नारायण गुरुकुल विश्वविद्यालय प्रतिष्ठानद्वारा सञ्चालित गौशालामा उपचार गरिरहेका छन्। गोवरको लेपनले कोभिड १९ को विरुद्ध रोग प्रतिरोधक क्षमता बढ्ने भन्दै यस्तो अभियान चलाइएको थियो ।
यो अभियानको भिडियो अहिले सामाजिक सञ्जालमा भाइरल भएको छ। उक्त गौशालामा २ सयभन्दा धेरै गाईह रहेका छन् । एक महिनादेखि उक्त गौशालाले करिव १५ जना मानिसको हरेक आइतबार शरीरमा गाईको गोवर र गौमुत्रको लेप लगाउन आउने गरेको सञ्चालकले बताएका छन्।
यसरी लेपन लगाएकालाई गाईको दुधले पखाल्ने गरिएको छ। तर चिकित्सकहरुले यसरी उपचार गर्दा कोरोना संक्रमण निको हुने कुनै वैज्ञानिक आधार नभएकाले जोखिम झन धेरै बढ्ने चेतावनी दिएका छन्।
गान्धी नगरस्थित भारतीय जन स्वास्थ्य संस्थानका निर्देशक डा दिलीप मावलंकरले आफूलाई यस्तो उपचार पद्धतिले कोरोना निको हुने कुनै जानकारी नै नभएको बताए। अहिलेसम्म कुनै पनि अनुसन्धानले गाईको गोवरले कोरोनाको विरुद्ध रोग प्रतिरोधी क्षमता वढाउने नदेखाएको उनकाे भनाइ छ।
भारतीय चिकित्सा संघका महिला शाखाकी अध्यक्ष मोना देसाईले यो उपचार पाखण्डी तथा अप्रमाणित बताइन्। यसरी गरिएको उपचारले उपयोगी हुनुको सट्टा म्यूकोमाइकोसिसलगायत दोस्रो प्रकारको संक्रमणको जोखिम हुने उनका भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
