काठमाडाैं- ट्रान्सपरेन्सी इन्टरनेसनल (टीआई) नेपालले कोभिड-१९ को महामारी रोकथाम तथा नियन्त्रणका लागि प्रभावकारी योजना ल्याउन सरकारसमक्ष माग गरेको छ। महामारीको दोस्रो चरणमा अप्रत्याशित रुपले नेपालमा दैनिक हजारौं संक्रमित थपिएको र दैनिक मृत्यु संख्या पनि निरन्तर बढ्दो रहेकोप्रति सरकारको ध्यानाकर्षण गराएको छ।
साथै, भारतबाट खरिद गरिएको र गर्ने भनिएको खोपको आपूर्तिमा नेपालका केही कमिसन एजेन्टले प्रभाव पारी ढिलाइ भइरहेको विषयमा ट्रान्सपरेन्सी इन्टरनेसनल नेपालको गम्भीर ध्यानाकर्षण भएको जनाएको छ।
'राजधानीलगायतका अस्पतालहरुमा शय्याको चरम अभाव रहेको, अक्सिजन आपूर्तिमा अभाव भएको, आवश्यक औषधि र सामग्रीहरुको पनि अभाव भएको र उचित उपचारको अभावमा संक्रमितहरुले अकाल मृत्युवरणसमेत गर्नु परिरहेको बारेका समाचारहरुले सर्वसाधारण जनता झन् आक्रान्त भएका छन्,' टीआई नेपालले शुक्रबार जारी गरेको विज्ञप्तिमा उल्लेख छ, 'यस्तो अवस्थामा सरकारले सेरम इन्स्टिच्यूट अफ इण्डिया प्रालि, भारतबाट खरिद गरिएको र गर्ने भनिएको खोपको आपूर्तिमा नेपालका केही कमिसन एजेन्टले प्रभाव पारी ढिलाइ भइरहेको भन्ने समाचार सञ्चारमाध्यमबाट सार्वजनिक भएका छन्। उपरोक्त विषयहरुमा ट्रान्सपरेन्सी इन्टरनेसनल नेपालको गम्भीर ध्यानाकर्षण भएको छ।'
खोप आपूर्ति किन रोकिएको, कुन राष्ट्रबाट कति खोप अनुदानमा आयो र कति आउन बाँकीछ, कति खरिद भइ आयो र कति आउन बाँकी छ, हाल खोपको मौज्दात कति छ र कति नयाँ खरिदको क्रममा छ भन्नेबारे जनतालाई सुसूचित गराउनसमेत उसले माग गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787447672.webp)
-1786602170.png)
-1786513116.png)
