फाइल तस्बिर
काठमाडाैं- कोभिड-१९ को दोस्रो लहरको संक्रमण तीव्र बनेसँगै अक्सिजन अभाव हुन थालेपछि सरकारले खाली सिलिण्डर संकलन गर्न थालेको छ।
गृह मन्त्रालयले उद्योग, वाणिज्य तथा आपूर्ति मन्त्रालय तथा स्वास्थ्य तथा जनसंख्या मन्त्रालयको समन्वयमा विभिन्न उद्योग, आयोजना तथा व्यक्तिका साथमा रहेका अक्सिजन सिलिण्डर जम्मा गर्ने कार्य भइरहेको जानकारी दिएको छ। यस क्रममा प्रहरी प्रशासनको विशेष सक्रियता तथा कतिपय उद्योग, आयोजनाको स्वतः स्फुर्त प्रयासबाट अक्सिजन सिलिण्डर जम्मा भइरहेको गृहद्वारा शुक्रबार जारी विज्ञप्तिमा उल्लेख छ।
गृहले विभिन्न जिल्लाहरुबाट शुक्रबार (आज) मात्रै एक हजार ८१६ थान अक्सिजन सिलिण्डर संकलन भएको जनाएको छ।
'कोभिड-१९ को दोस्रो लहरको संक्रमण दिनानुदिन वृद्धि हुँदै गइरहेको सन्दर्भमा यसको व्यवस्थापन अत्यन्त चुनौतीपूर्ण बन्दै गइरहेको छ। साझा शत्रुको रुपमा देखा परेको यस महामारीले हामी सबैलाई आक्रान्त पारेको सबैले महशुस गरिरहेको विषय हो,' गृहद्वारा जारी विज्ञप्तिमा उल्लेख छ, 'हालको अवस्थामा कोभिड उपचारको लागि आवश्यक पर्ने अक्सिजन आपूर्ति तथा वितरण प्रणालीलाई भरपर्दो एवं विश्वसनीय तुल्याउनु पर्नेछ। अक्सिजन अभाव हुन नदिने र यसको आपूर्ति व्यवस्थालाई भरपर्दो तुल्याउने कार्यमा गृह मन्त्रालय अत्यन्त सक्रियताका साथ लागि परेको छ।'
'कोभिड बिरामीका लागि अति आवश्यक पर्ने अक्सिजन यसरी स्वतःस्फुर्त रुपमा उपलब्ध गराउनुहुने सबै उद्योग, व्यवसाय तथा व्यक्तिहरुलाई गृह मन्त्रालय विशेष धन्यवाद दिन चाहन्छ। साथै, यसरी जम्मा हुन आएका अक्सिजन सिलिण्डर स्वास्थ्य तथा जनसंख्या मन्त्रालय तथा उद्योग, वाणिज्य तथा आपूर्ति मन्त्रालयको प्रत्यक्ष संलग्नता र समन्वयमा वितरण गरिएको छ,' विज्ञप्तिमा छ।
गृहले कोभिड संक्रमितको उपचारका लागि अक्सिजन अभाव हुन नदिन र आपूर्तिलाई सहज बनाउन सबैले अस्पतालबाहेक अन्य प्रयोजनमा विभिन्न उद्योग, व्यवसाय, आयोजना तथा व्यक्तिसँग रहेका अक्सिजन सिलिण्डर स्वतःस्फुर्त रुपमा नजिकको अस्पताल वा सुरक्षा निकायमा उपलब्ध गराइदिनसमेत अनुरोध गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787447672.webp)
-1786602170.png)
-1786513116.png)
