काठमाडाैं- नेपालमा २२ न्यायाधीशसहित १६१ जना न्यायपालिका कर्मचारी कोरोना संक्रमित भएका छन्।
सर्वोच्च अदालतको तथ्याक अनुसार हालसम्म उच्च अदालत जनकपुरको अस्थायी इजलास विरगञ्जमा सबैभन्दा धेरै चार न्यायाधीशमा संक्रमण भएको छ। यस्तै, साेही इजलासका १५ कर्मचारीमा पनि कोरोना पुष्टि भएको छ।
यता, काठमाडौं जिल्ला अदालतका चार न्यायाधीशलाई पनि कोरोना संक्रमण पुष्टि भएको छ। काठमाडौं जिल्ला अदालतकै १२ कर्मचारी संक्रमित भएका छन्।
उच्च अदालत विराटनगर, उच्च अदालत नेपालगञ्ज इजलाश र महेन्द्रनगर इजलाशका एक/एक जना न्यायाधीशलाई कोरोना संक्रमण भएको छ।
त्यस्तै, सर्लाही, धनुषा, पर्सा चितवन, मकवानपुर, पाल्पा, नवलपरासी, बाँके र कैलालीका एक/एक जना न्यायाधीशलाई कोरोना संक्रमण भएको छ।
यता, उच्च अदालत पाटनका १२ कर्मचारी संक्रमित भएका छन्।
एकको मृत्यु
न्याय परिषद्का एक सदस्यको कोरोना संक्रमणका कारण निधन भएको छ।
न्याय परिषद् सदस्य एवं वरिष्ठ अधिवक्ता लक्ष्मीबहादुर निरालाको संक्रमणपछि उपचारको क्रममा निधन भएको हो।
पूर्वमहान्यायाधविक्तासमेत रहिसकेका ७७ वर्षीय खड्कालाई संक्रमण भएपछि गत १० गते सशस्त्र प्रहरी अस्पताल, बलम्बुमा उपचारका लागि भर्ना गरिएको थियो।
अदालतका कर्मचारी र न्यायाधीशहरु हालसम्म कसैको संक्रमणका कारण मृत्यु नभएको सर्वोच्च अदालतले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
