काठमाडौं- सानिमा बैंकले अन्तरिक्ष प्रतिष्ठान नेपाललाई पाँच लाख रूपैयाँ आर्थिक सहयोग गरेको छ।
नेपाली विद्यार्थीहरूबाट नेपालमै निर्मित पहिलो स्याटलाइट ‘नेपाली स्याट-२’ अन्तरिक्षमा प्रक्षेपण गर्ने उद्देश्यका साथ काम गरिरहेको प्रतिष्ठानलाई बैंकले उक्त सहयोग गरेको हो। बैंकले संस्थागत सामाजिक उत्तरदायित्वअन्तर्गत सहयोग गरिएको बैंकले जानकारी दिएकोछ।
अन्तरिक्ष प्रतिष्ठानले नेपाल विज्ञान तथा प्रविधि प्रज्ञा प्रतिष्ठान र गैरसरकारी संस्थाहरूसँगको सहकार्यमा नेपालका विद्यालय र विश्वविद्यालयमा अध्ययनरत विद्यार्थीहरूलाई सोसम्बन्धी तालिम तथा ज्ञान उपलब्ध गराउँदै आइरहेको छ। सो टोलीलाई नेपालका पहिलो अन्तरिक्ष ‘नेपाली स्याट-१’ को निर्माण÷प्रक्षेपण टोलीका प्रोजेक्ट म्यानेजर आभास मास्केले ‘ड्रिम प्रोजेक्टको’ रूपमा नेतृत्व गर्दै आएका छन्।
कक्षा १० देखि १२ सम्म सरकारी तथा निजी विद्यालयमा अध्ययनरत विद्यार्थीहरूले सन् २०२३ सम्म ‘नेपाली स्याट-२ विद्यालय’ नामक स्याटलाइट निर्माणका लागि एउटा टिम निर्माण गर्ने छन्। जसअन्तर्गत बैंकले ‘नेपाली स्याट-२’ मा संलग्न दुई जनालाई अन्तरिक्ष निर्माण÷प्रक्षेपणका विषयमा तालिम र प्रशिक्षणका लागि सहयोगस्वरूप छात्रवृत्ति प्रदान गरेको जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
