काठमाडौं- काठमाडौं म्यारियट होटलले अप्रिल अन्त्यसम्मका लागि छुट प्याकेज ल्याएको छ। होटलले दोस्रो वार्षिकोत्सवको अवसर पारेर विशेष प्याकेज सार्वजनिक गरेको हो।
अन्तराष्ट्रियस्तरको यो होटलले अप्रिल अन्त्यसम्मका लागि १२ हजार ११ रूपैयाँको विशेष वार्षिकोत्सव समारोह प्याकेज सार्वजनिक गरेको छ।
होटलले यही अप्रिल १८ मा दोस्रो वार्षिकोत्सव मनाएको थियो। दुई वर्षको अवधिमा होटलले काठमाडौंका फुडप्रेमीहरूलाई विभिन्न अफर र फुड उत्सवहरूको साथ नयाँ व्यञ्जनहरू प्रस्तुत गर्दै आइरहेको जनाएको छ। पछिल्लोपटक होटलले लेबनानी फुड फेस्टिबल गरेको थियो।
होटलले हालै एक मेडिटरियन रेस्टुरेन्ट, ताहिना टेरेस खोलेको छ। यसको बाहिरी सेटिङ र सिग्नेचर ककटेलको साथ ताहिना टेरेस घुमफिर गर्नको लागि एक राम्रो ठाउँ बनेको छ। होटलले आफ्नो सामाजिक उत्तरदायित्व पूरा गर्न समुदायका लागि थुप्रै कार्यक्रमहरू ‘वाक फर वार्म्थ ’, ‘थ्याङ्क्स गिभिङ डिनर’मार्फत् कोष जम्मा गर्ने र खाना प्रदान गर्नेजस्ता कार्यक्रमहरूसमेत आयोजना गर्दै आइरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
