काठमाडाैं- मिस युनिभर्स बिजेता बलिउडकी चर्चित कलाकार सुस्मिता सेनलाई चिनाउन लामो परिचयको आवश्यकता पर्दैन। उनी बलिउडमा एकताका धमाका मच्चाएकी नायिका हुन्।
सन् १९७५ मा जन्मेकी सुस्मिताले झण्डै चार दशकको जिन्दगी बिताइसकिन्। सानै उमेरदेखि बलिउडको फिल्मी दुनियाँको रस चाखेकी उनले अहिलेसम्म विवाह गरेकी छैनन्। तर, उनका दुई छोरी भने छन्। जसलाई उनले एडप्ट गरेकी हुन्।
बलिउडमा दस्तक नामक फिल्मबाट डेब्यु गरेकी सुस्मिता अविवाहित भएपनि पूर्वप्रेमीको लिष्ट भने निकै लामो छ। उनले डेट गरेका पूर्वप्रेमीको नाम लिष्ट सुनेर जो कोहीलाई पनि 'चक्कर' लाग्छ।
सुस्मिता सेन बलिउडको फिल्मी उद्योगमा प्रवेश गरेसँगै पहिलो नम्बरमा प्रेमी बन्न आइपुगेका व्यक्ति हुन् बिक्रम भट्ट। बिक्रम बलिउडका चर्चित निर्देशक हुन्। सुस्मिता बिक्रमसँग करिब १ वर्षसम्म प्रेमसम्बन्धमा रहिन्। एक वर्षपछि भने यी दुईको ब्रेकअप भयो। के कारणले ब्रेकअप भयो भन्ने आजसम्म खुलेको भने छैन।
बिक्रमपछि सुस्मिताको जिन्दगीमा आएका दोस्रा प्रेमी हुन् सञ्जय नौरङग। उनी भारतका चर्चित व्यवसायी हुन्। सञ्जयसँगको प्रेम सम्बन्ध पनि सुस्मिताका लागि खासै टिकाउको भएन।
सञ्जयपछि उनीसँग प्रेम गर्न आइपुगे सबिर भाटिया। सबिर उद्यमी हुन्। सबिरसँग सुस्मिताको प्रेम सम्बन्ध अन्य प्रेमीको तुलनामा अलि बढी नै टिक्यो। यतिसम्म कि यी दुईको विवाह हुने हल्ला समेत सञ्चारमाध्यममा चलेको थियो। तर, बजारमा चलेको हल्लाले सार्थकता पाउन सकेन। यी दुईको पनि ब्रेकअप भयो।
सबिरपछि उनको जिन्दगीमा प्रेमको नौलो किरण बोकेर आए, रणदीप हुडा। बलिउडका चर्चित कलाकार रणदीप पनि सुस्मिताको प्रेमीको लिष्टमा अटाएका छन्। रणदीप पूर्वप्रेमीको सूचीमा मात्रै अटाए, जिन्दगीमा भने अटाउन सकेनन्। छोटो समयको प्रेम सम्बन्धपछि यी दुईले पनि आ-आफ्नो बाटो रोजे।
रणदीपपछि इन्तियाज खत्री सुस्मिताको जिन्दगीमा आए। इन्तियाज पनि भारतका चर्चित बिजनेशम्यान हुन्। यी दुईको ब्रेकअपको कारण भने बलिउड रहेको छ। इन्तियाजले सुस्मितालाई बलिउड छोड्न भने, सुस्मिताले इन्तियाजलाई नै छाडिदिइन्।
इन्तियाजपछि सुस्मिताले मानव मेननसँग प्रेमसम्बन्ध बनाइन्। मानव विज्ञापन बनाउने काम गर्थे। कुनै विज्ञापनको सुटिङ गर्ने क्रममा नै यी दुईको भेट भएको थियो। कामको सिलसिलामा भेट भएपनि यी दुई प्रेममा परे। तर, यो सम्बन्ध पनि लामो समय टिक्न सकेन।
मानवपछि बन्टी सचदेवासँग सुस्मिता प्रेममा परिन्। बन्टी पनि भारतका चर्चित बिजनेशम्यान हुन्। यी दुईको सम्बन्ध पनि खासै लामो समयसम्म टिक्न सकेन। बन्टीपछि उनि फिल्मका निर्देशक मुदस्सर अजिजसँग प्रेममा परिन्। तर, मुदस्सरसँगको यात्रा पनि उति लामो जान सकेन।
त्योपछि उनी वासिम अक्रमसँग प्रेमसम्बन्धमा रहिन्। वासिक पाकिस्तानका चर्चित क्रिकेट खेलाडी हुन्। केही व्यक्तिगत कारणले यी दुईको ब्रेकअप भएको भारतीय सञ्चार माध्यमले बताएका थिए। त्यो व्यक्तिगत कारण के हो, अहिलेसम्म बाहिर आएको छैन।
र, अहिले उनी रोहमन सलसँग प्रेममा छिन्। रोहमन कलाकार तथा मोडल हुन्। बजारमा भने यी दुईको सम्बन्ध धेरै नटिक्ने चर्चा सुरु भइसकेको छ। सुस्मिताको प्रेमीका सूचीमा रोहमन कति समयसमम टिक्छन्, त्यो समयले बताउला।
यी दुईको सम्बन्ध सुरु भएको दुइ वर्ष पूरा भएको छ। यो दुई वर्षमा रोहमन सुस्मिताका दुई छोरीहरूसँग रमाएका छन्। छोरीहरूसँग खेलिरहेको फोटो प्रायः रोहमन सामाजिक सञ्जालमा राखिरहन्छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1773643707.png)
