डीबी गुरुङको 'गुरुङ दर्पण' सार्वजनिक

साहित्य डबली

डीबी गुरुङको 'गुरुङ दर्पण' सार्वजनिक

नेपाल लाइभ आइतबार, चैत १, २०७७, १५:१३

काठमाडौं- डीबी गुरुङको पुस्तक ‘गुरुङ दर्पण’ सार्वजनिक भएको छ। शनिबार सूचना तथा सञ्चार प्रविधिमन्त्री पार्वत गुरुङले पुस्तक विमोचन गरेका हुन् ।

नेपालको राजनीति, निजामति र अन्य सेवामा गुरुङ जातिको पहुँच र प्रतिनिधित्वको अवस्थाबारे पुस्तकमा चर्चा गरिएको छ। २००७ सालयता राज्य सञ्चालनमा गुरुङ जातिको सहभागिता, पहुँच र प्रतिनिधित्वको बृहत् तथ्यांक संकलन तथा विश्लेषण गरेका छन्।

पुस्तकमा गुरुङ जातिबाट प्रतिनिधित्व गर्ने हालसम्मका मन्त्री, सांसदसहित उच्च ओहोदामा पाएका नियुक्ति र नेतृत्वका बारेमा समेटिएको छ। नेपालको कार्यपालिका, व्यवस्थापिका, न्यायपालिकालगायत विभिन्न निकाय र क्षेत्रमा विगतदेखि वर्तमानसम्म गुरुङ समुदायको पहुँच र प्रतिनिधित्वको अवस्था तथा भविष्यको सम्भावना र चुनौती समेत पुस्तकमा समेटिएका छन्।

मन्त्री गुरुङले पुस्तक विमोचन गर्दै गुरुङ समुदायका लागि पुस्तक ऐतिहासिक ऐना भएको धारणा राखे। ‘यो भन्दा पहिले प्राप्त उपलब्धिको समीक्षा गर्नुपर्ने अवस्था छ। थप उपलब्धिका लागि पुस्तकले सिंगो समुदायलाई प्रेरणा दिनेछ,’ मन्त्री गुरुङले भने।

पुस्तकबारे सांसद हिरा गुरुङ, पूर्वराज्यमन्त्री सीता गुरुङ, पूर्व कार्यबाहक प्रमुख निर्वाचन आयुक्त दोलखबहादुर गुरुङ, प्राध्यापक डा ओम गुरुङ, डा टेकबहादुर गुरुङ, तमू ह्युला छोंज धिँ गुरुङ राष्ट्रिय परिषदका महासचिव सूर्य गुरुङ लगायतले चर्चा गरेका थिए।

त्रिभुवन विश्वविद्यालयबाट समाजशास्त्रमा स्नात्तकोत्तर गरेका लेखक गुरुङले यसअघि ‘गुरुङ सेरोफेरो’ लेखेका थिए। उनको शासन र शक्तिको चित्रमा नेपाल नामक पुस्तक प्रकाशोन्मुख छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।