काठमाडाैं– विश्व चर्चित भेराइटी म्यागेजिनमा बलिउड नायिका दीपिका पादुकोणकाे नाम समावेश भएकाे छ। सिनेमा क्षेत्रमार्फत समाजमा पुर्याएको योगदान बापत २०२१ को भेराइटी इन्टरनेशनल वुमन इम्प्याक्ट उनकाे नाम परेकाे हाे।
भेराइटी म्यागेजिनले अन्तर्राष्ट्रिय श्रमिक दिवसको अवसरमा विश्वभरका प्रभावकारी व्यक्तिहरुको सूचीसहित रिपोर्ट तयार गर्ने गर्छ। यस रिपोर्टमा परोपकारी काममा भाग लिएकोमा दीपिकाको प्रशंशा पनि गरिएको छ।
भेराइटीको रिपोर्टमा लेखिएको छ, ‘पादुकोणले एसिड हमलाबाट बाँचेकी महिलाका विषयमा एक सामाजिक फिल्म ‘छपाक’ निर्माण तथा अभिनय गरेकी छिन्। उनले १०१८ मा ब्लकबास्टर फिल्म ‘पद्मावत’मा पनि अभिनय गरेकी थिइन्, जसमा उनले रानीकाे भूमिका निभाएकी थिइन्।’
भारतीय चलचित्र उद्योगमा निकै रुचाइएकी र सम्मानित अभिनेत्रीका रुपमा दीपिका पर्छिन्। उनी समाजसेवा समेत हुन्। लिभ लाफ लभ फाउन्डेशनमार्फत दीपिकाले २०१५ देखि नै मानसिक समस्या भोगिरहेका मानिसहरुसँग संवाद सुरु गरेकी थिइन्।
१४ वर्षअघि कन्नड फिल्म ऐश्वर्यमार्फत उनको अभिनय यात्रा सुरु भएको थियो। सन् २००७ मा प्रदर्शनमा आएको ‘ओम शान्ति ओम’ उनको पहिलो बलिउड फिल्म थियो। यस फिल्ममार्फत उनले उत्कृष्ट डेब्यु अभिनेत्रीको अवार्ड जितिन्।
आफ्नो यात्राका विषयमा भेराइटी म्यागेजिनसँग कुराकानी गर्दै दीपिकाले भनेकी छिन्, ‘भाग्यवस्, मैले बजेट वा अन्य कारणहरूले कुनै पनि फिल्म खेल्ने निर्णय लिनु परेन। मैले फिल्म खेल्ने निर्णय आफ्नो जीवनमा म भावनात्मक रुपले कहाँ छु भन्ने कुराकाे निर्धारण गर्छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
