तस्बिर : एन्फा
काठमाडौं- गेरी फिलिप्स नेपाली राष्ट्रिय महिला फुटबल टिमको मुख्य प्रशिक्षकमा नियुक्त भएका छन्। अखिल नेपाल फुटबल संघ (एन्फा)ले बिहीबार अस्ट्रेलियन नागरिक गेरी फिलिप्सलाई महिला फुटबलको मुख्य प्रशिक्षक बनाएको हो।
फिलिप्सलाई पाँच सदस्यीय एन्फा टेक्निकल कमिटीले राष्ट्रिय महिला फुटबल टिमको मुख्य प्रशिक्षकको लागि सिफारिस गरेको थियो। यसअघि फिलिप्सले एन्फाको टेक्निकल डाइरेक्टर भएर काम गर्दै आएका थिए।
फिलिप्स मुख्य प्रशिक्षकमा नियुक्त भएसँगै पहिलो पटक नेपाली महिला फुटबल टिमले विदेशी प्रशिक्षक पाएको हो। यसअघि महिला फुटबलको मुख्य प्रशिक्षकमा हरि खड्का रहेका थिए। उनले साफ महिला च्याम्पियनसिप र एएफसी महिला एसियन कप छनोटलाई मध्यनजर गर्दै छिटै प्रशिक्षक थाल्ने एन्फाले जनाएको छ।
उनले २००१ मा टोंगा राष्ट्रिय टिमको प्रशिक्षक साथै २०१४ देखि ०१५ सम्म पपुवा न्युगिनीको महिला टिमको प्रशिक्षक भएर काम गरिसकेका छन्। त्यसबाहेक विभिन्न क्लबमा समेत उनले प्रशिक्षण दिई सकेका छन्। जसमा क्विन्सल्यान्ड एकेडेमी, सिड्नी ओलम्पिक फुटबल क्लब, डानाङ फुटबल क्लब, साबाह फुटबल क्लब, नेगेरी सेविलान फुटबल क्लब, डाबाओ एगिलस फुटबल क्लबको प्रशिक्षकको रुपमा काम गरिसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787910498.jpg)
-1786602170.png)
-1786513116.png)
-1788425345.png)
