काठमाडौं- निजी क्षेत्रको २ अर्बको लगानीमा राष्ट्रिय खाद्य बैंकको स्थापना भएको छ। ‘पोषिलो आहारका लागि दिगो कृषि उत्पादन हाम्रो अभियान’ भन्ने नाराका साथ राष्ट्रिय खाद्य बैंक लिमिटेडले कृषि उत्पादन र बजारीकरण गर्ने भएको हो।
बैंकले ७७ वटै जिल्ला र ७ प्रदेशमा उपस्थिति जनाउँदै कृषि उत्पादन र बजारीकरण गर्ने भएको छ। १५० भन्दा बढी कृषिविज्ञको सहभागितामा चार महिनाअघि स्थापना भएको बैंकले अर्गानिक उत्पादनलाई प्राथमिकता दिने जनाएको छ। बैंकसँग २ सय जनाभन्दा बढी कृषि प्राविधिक संलग्न रहेको पनि बैंकले दाबी छ।
बैंकले कृषि क्षेत्रमा ठूलो लगानी, रोजगारी बढाएर उत्पादनमा वृद्धि गर्ने, कृषिमा मुलुकलाई आत्मनिर्भर बनाउने उद्देश्य रहेको बैंकका अधयक्ष शंकरनाथ उप्रेतीले जानकारी दिए। कृषि क्षेत्रलाई आवश्यक पर्ने ज्ञान, सिप, बिउबिजन तथा मलजलको समुचित व्यवस्थापन तथा दक्ष जनशक्ति विशेषज्ञ वैज्ञानिकको समेत सहभागितामा काम गर्ने बैंकले भनाइ छ।
बैंक आफैंले खाद्यान्न, गेडागुडी, हरियो तरकारी, फलफूल, दहि, माछा, मासु, चिया, जडिबुटी लगायतको उत्पादन तथा व्यवस्थापन गर्ने बताएको छ। कृषि क्षेत्रमा आवश्यक अध्ययन अनुसन्धान गरी ठाउँअनुसारको बाली उत्पादनमा गर्ने प्रोत्साहन गर्ने पनि बैंकले जनाएको छ।
यस्तै, विभागले खाद्यान्न, गेडागुडी, हरियो तरकारी, फलफूल, दूध, माछा, मासु, जडिबुटीलगायतका उत्पादनको कार्य गर्ने बैंकले जनाएको छ। साथै, बैंकले कृषि क्षेत्रको आवश्यक अनुसन्धानको पनि कार्य गर्ने उनले उल्लेख गरे।
बैंकले देशभरको किसानहरूसँग सहकार्य गरी गर्ने उद्देश्य लिएको बैंकले कृषि कम्पनीहरू, कृषि सहकारीहरू, कृषि समूहहरू, कृषिसँग सम्बन्धित अन्य संघसंस्थाहरूसँग पनि सहकार्य गरी अघि बढ्ने लक्ष्य लिएको अध्यक्ष उप्रेतीको भनाइ छ।
बैंकमार्फत विभिन्न क्षेत्रमा काम गरिरहेका मानिसहरुलाई कृषितर्फ ध्यान तान्ने उनको भनाइ छ। बेरोजगारी अन्त्य गरी अर्गानिक उत्पादनलाई प्रोत्साहन गर्ने पनि अध्यक्ष उप्रेतीले बताए।
हाल बैंकले कैलाली, कन्चनपुर, बर्दिया, झापा, मोरङ, सुनसरी, धनुषा, चितवन, रुपन्देहीसहित १३ जिल्लाहरुमा जग्गा लिजमा लिने र उत्पादन सुरु गर्न थालिसकेको पनि उनको भनाइ छ। किसानहरुसँग पनि सहकार्य गर्दै उत्पादन बढाउने बैंकले जनाएको छ। उनका अनुसार सोही स्थानमा करिब ५ हजार बिघा किसानका जमिनहरूमा सहकार्य गर्दै उत्पादनमा कार्य अघि बढिसकेको छ।
त्यसैगरी, झापा, मोरङ, सुनसरी जिल्लामा १ हजार ४१ बिघा र लमजुङमा ५ सय ५० रोपनी जग्गा लिजमा लिने सहमति भएको उनले बताए। हालसम्म ४ सय ९१ जना प्रमोटर सदस्य रहेको बैंकले अझै विस्तार गर्दै केही वर्षभित्रै साधारण सेयर (आइपीओ) जारी गर्ने अध्यक्ष उप्रेतीले जानकारी दिए।
उनका अनुसार दिनप्रतिदिन बैंकमा आबद्ध हुने संख्या बढ्दै गइरहेको छ। आगामी चैत्र १५ गते भित्र बैंकले केन्द्रीय कार्यलयको उद्घाटन गर्ने जानकारी पनि उनले दिए। बैंकले २०७८ वैशाखभित्रमा सबै प्रदेश कार्यलयलको उद्घाटन गर्ने तयारी गरेको उनले बताए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।