काठमाडौं- सातामा कारोबारको पहिलो दिन आइतबार ५० अंकले बढेको नेपाल स्टक एक्सचेन्ज (नेप्से) परिसुचकमा सोमबार पनि दोहोरो अंककोे वृद्धि देखिएको छ। निकै उतारचढाव देखिएको सोमबारको नेप्से परिसुचकमा १६ दशमलव ०४ अंकले वृद्धि भएर २ हजार ४ सय ४० दशमलव ८७ अंकमा कायम भएको छ।
आइतबार २ सय ८ वटा कम्पनीको १ करोड ९२ लाख ८५ हजार कित्ता सेयर ७२ हजार ७ सय ८३ पटक खरिद बिक्री भएको छ। बैंकिङ, व्यापार, निर्जीवन बिमा र अन्य समूह क्रमशः २४ दशमलव २२, २० दशमलव ७७, ७९ दशमलव ३४ र ३१ दशमलव ६ अंकले बढेको छ भने बाँकी सबै समूहको उपसुचक घटेको छ।
सबैभन्दा धेरै जीवन बीमा समुहको उपसूचक ८८ दशमलव ५८ अंकले घटेको छ। त्यस्तै होटल समूह २४ दशमलव ४, विकास बैंक समूह २० दशमलव ७७, जलविद्युत समूह ३ दशमलव ५६, वित्त समूह ६ दशमलव ७८ र उत्पादन समूह ४९ दशमलव ६ अंकले घटेको छ।
कारोबार रकमका आधारमा नेपाल लाइफ इन्स्योरेन्स कम्पनी ६० करोड ३७ लाख रुपैयाँ बराबरको कारोबार भएको छ भने कारोबार भएका सेयर संख्याका आधारमा एनसीसी बैंकको सबैभन्दा बढी ८७ लाख कित्ता सेयर किनबेच भएको छ।
सबैभन्दा धेरै कमाउनेमा नागरिक लगानी कोषका लगानीकर्ताले प्रतिकित्ता १० प्रतिशतका दरले कमाएका छन भने सबैभन्दा धेरै गुमाउनेमा श्री इन्भेस्टमेन्ट फाइनेन्स कम्पनीका लगानीकर्ताले प्रतिकित्ता ६ दशमलव ९८ प्रतिशतका दरले गुमाएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787798392.jpg)
-1786602170.png)
-1787821306.jpg)
-1786513116.png)
