काठमाडौं- राष्ट्रिय नम्बर एक खेलाडी रत्नजित तामाङ र विश्व जुनियर वरीयताको ११औं स्थानमा रहेका पिन्स दाहालले १०औं पुष्पलाल स्मृति राष्ट्रिय र्यांकिङ ब्याडमिन्टन प्रतियोगिता विजयी सुरुवात गरेको छ।
बुधबार सिरहाको गोलबजारमा सुरु भएको लिगको पहिलो खेलमा सेनाका रत्नजितले एपिएफका सुमन लिम्बुलाई २१–७ र २१–११ को सेटमा पराजित गरेका हुन्। रत्नजितले दोस्रो खेलमा एपिएफका गौतम कठायतलाई २१–१८ र २१–१२ को जित निकाले। त्यस्तै सिल्क ग्रुपका प्रिन्सले पहिलो खेलमा पुलिसका जीवन आचार्यलाई २१–१६ र २१–११ ले तथा दोस्रो खेलमा सेनाका रुकेश महर्जनलाई २१–१२ र २१–१३ ले पराजित गरे।
बाँकेका इफ्रान अन्सारीमाथि २१–११ र २१–७ ले जित निकालेका एपिएफका दीपेश धामीले दोस्रो खेलमा पुलिसका सुनिल जोशीमाथि २१–१८ र २१–११ को जित निकाले। सेनाका प्रफुल महर्जनले पुलिसका दीपक बोहरामाथि २१–८, १९–२१ र २१–८ तथा दोस्रो खेलमा भोजपुरका बिकास श्रेष्ठलाई २१–१७, २१–२३ र २४–२२ ले पराजित गरे।
त्यस्तै, सेनाका नविन श्रेष्ठले दोहोरो जित निकाल्ने क्रममा पहिलो खेलमा पुलिसका सुनिल जोशीलाई ९–२१, २१–१७ र २१–१७ तथा दोस्रो खेलमा बाँकेका इफ्रान अन्सारीलाई २१–७ र २१–१३ ले पराजित गरे। त्यस्तै, आफ्नो दोस्रो खेलमा भने भोजपुरका बिकास श्रेष्ठले एपिएफका विजीत थापामगरलाई २१–१६ र २१–१९ ले पराजित गरे।
सेनाका रुकेश महर्जनले एपिएफका साजन कृष्ण ताम्राकारलाई २१–१२, ९–२१ र २१–१८ ले पराजित गर्दा एपिएफका गौतम कठायतले धादिङका सुदीप सेंढाईलाई २१–९ र २१–१० ले, एपिएफका सुमन लिम्बुले सेंढाईलाई २२–२० र २१–१० ले पराजित गरे। प्रतियोगिताको अन्तिम लिग बिहीबार हुने छ।
महिला राष्ट्रिय १२ र्याङकिङ लिग प्रतियोगितामा एपिएफकी शोभा गौचनले धादिङकी तारा आलेलाई २१–१२ र २१–११ ले, सेनाकी अनुमाया राईले जेष्ट ब्याडमिन्टन एकेडेमीकी मनिषा खड्कालाई २१–६ र २१–५ले, सेनाकी रशिला महर्जनले तारा आलेलाई २१–३ र २१–३ ले तथा एपिएफकी जेशिका गुरुङले मनिषालाई २१–५ र २१–४ ले पराजित गरे। भोजपुरकी नंशलदेवी तामाङले विराट ब्याडमिन्टन क्बलकी सिमा राजवंशीलाई २१–१९ र २१–१२ ले तथा सेनाकी अमिता गिरीले एपिएफकी सुनैना मुखियालाई २१–१५, २०–२२ र २१–१५ ले पराजित गरे।
पुरुष एलकलको राष्ट्रिय १६ र्याङकिङ बाहेकका प्रतिस्पर्धामा विर्ता ब्याडमिन्टन क्लबका नविन सिलवाल, भोजपुरका बिशाल तामाङ, कैलालीका रोशन खत्री, कञ्चनपुरका सुरभ बम र साईनो एस.एच.का सुजन थाप पनि आ–आफ्ना प्रतिद्वन्दीलाई पराजित गर्दै दोश्रो चरणमा प्रवेश गरे।
प्रतियोगितामा नेपाल ब्याडमिन्टन संघमा आवद्ध ४७ जिल्ला तथा तीन विभागीय टोलीका खेलाडीहरुले उपाधिका लागि प्रतिस्पर्धा गरेका छन्। प्रतियोगितामा पुरुष तर्फ राष्ट्रिय १६ र्याङकिङ र महिलातर्फ राष्ट्रिय १२ र्याङकिङ खेलाडीहरुको छुट्टै प्रतिपर्धा रहेको छ। त्यसबाहेक पुरुष र महिला एकल तथा युगल, ब्वाईज र गल्र्स १७ तथा भेट्रान्स ४५ माथि गरी ९ विधामा प्रतिस्पर्धा रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
