काठमाडौं- फोटो सेयरिङको लागि सजिलो माध्यम हो, सामाजिक सञ्जाल इन्स्टाग्राम। नेपालका अधिकांश कलाकारले यसमा खाता खोलेका छन्। यहाँ हामी उनीहरुका फोटोबारे चर्चा गर्नेछैनौं, न त उनीहरुलाई फलो गर्नेहरुकै कुरा गर्नेछौं। यहाँ हामी यी १० जना व्यस्त कलाकारले कसलाई फलो गरेका छन् भन्ने पत्ता लगाउनेछौं।
प्रियंका कार्की
नायिका प्रियंका कार्की सामाजिक सञ्जाल इन्स्टाग्राममा नेपालका लागि सबैभन्दा धेरै फलोअर्स भएकी अभिनेत्री हुन्। उनको एक मिलियनभन्दा बढी फलोअर्स पुगिसकेका छन्। तर उनले भने जम्मा ८ सय ९५ जनालाई फलो गरेकी छन्। उनले फलोे गरेका अधिकांश अकाउन्टहरू भेरिफाई भएका छन्।
अन्जु पन्त
गायिका अन्जु पन्तले जम्मा पाँच जनालाई फलो गरेकी छन्। जसमा एकजना उनको आफ्नै छोरी परीतोषिका छिन्। त्यसबाहेक आफू जज बनेको कार्यक्रम नेपाल स्टारको अफिसियल अकाउन्ट, बोस्टन थ्रेडिङ, सुरेश वाग्ले, निशा पाठकलाई फलो गरेकी छन्।
उनलाई भने यो लेख तयार पार्दासम्म एक लाख ५६ हजारले फलो गरेका छन्।
वर्षा राउत
बोलीका कारण बेलाबेला समस्यामा पर्ने गरेकी नायिका वर्षा राउतले तीन सय ५६ जनालाई फलो गरेकी छन्। जसमा केही सौन्दर्यसम्बन्धी ब्राण्ड र अधिकांश उनका आफन्त रहेका छन्। करिब ६ लाख पाँच हजारले उनलाई फलो गरेका छन्।
केकी अधिकारी
नायिका केकी अधिकारीले भने ८ सय ८६ जनालाई फलो गरेकी छन्। करिब ५ लाख ६४ हजारले उनलाई फलो गरेका छन्।
ऋचा शर्मा
नायिका ऋचा शर्माले भने पाँच सय त्रिसठ्ठी जनालाई फलो गरेकी छन्। उनलाई भने एक लाख ८६ हजारले फलो गरेका छन्।
रेखा थापा
नायिका रेखा थापाले इन्स्टामा ३५ जनालाई फलो गरेकी छन्। जसमा अधिकांश नेपाली फिल्मका नायिका र चलचित्र पत्रकारलाई देख्न सकिन्छ। उनलाई भने २ लाख ५४ हजारले फलो गरेका छन्। अन्य अभिनेत्रीको तुलनामा ढिलै गरेर सामाजिक सञ्जाल छिरेकी रेखाको अकाउन्ट भने भेरिफाइड भएको छैन।
दीपाश्री निरौला
कलाकार तथा निर्देशक दीपाश्री निरौलाले २ सय १३ जनालाई फलो गरेकी छन्। जसमा अधिकांश फेशनहाउस्, बुटिक र मेकअपका ब्राण्डहरु छन्। उनलाई भने दुई लाख ४२ हजार चानचुनले फलो गरेका छन्।
स्वेता खड्का
केहि समयअघि मात्रै दोस्रो बिहे गरेकी नायिका, व्यवसायी तथा समाजसेवी स्वेता खड्काले भने हजारभन्दा माथीलाई फलो गरेकी छन्। उनले १५ सय २६ जनालाई फलो गरेकी छन्। उनलाई भने तीन लाख ९५ हजार प्रयोगकर्ताले फलो गरेका छन्।
रिमा विश्वकर्मा
नायिका तथा टेलिभिजन कार्यक्रम प्रस्तोता रिमा विश्वकर्माले पनि निरौलाकै हाराहारीमा फलो गरेकी छन्। उनले २ सय ३८ जनालाई फलो गरेकी छन्। उनलाई भने तीन लाख ४३ हजारले फलो गरेका छन्।
वर्षा शिवाकोटी
सामाजिक सञ्जालमा निकै सक्रिय नायिका वर्षा शिवाकोटीले २ सय ९४ जनालाई फलो गरेकी छन्। उनले अमेरिकी राष्ट्रपति जो बाइडेनलाई समेत फलो गरेकी छन्। उनलाई भने तीन लाख ७८ जनाले फलो गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786801197.jpg)
-1786602170.png)
-1786513116.png)
