काठमाडौं- विश्व फुटबलको सर्वोच्च निकाय फिफाले वर्ष २०२० का लागि दिने उत्कृष्ट पुरुष खेलाडीको अवार्डका लागि उत्कृष्ट ११ भित्र इंग्लिस क्लब लिभरपुलकै चार खेलाडी परेका छन् । जसमा भर्जिल भ्यान डाइक, सडियो माने, मोहम्मद सलाह र थियागो अलकान्टारा रहेका छन्।
गएको वर्ष फिफा उत्कृष्ट पुरुष खेलाडीको अवार्ड स्पेनिस क्लब बार्सिलोनाका कप्तान रहेका अर्जेन्टिनी खेलाडी लियोनल मेस्सीले जितेका थिए। गएको वर्ष लिभरपुलमा रहेका नेदरल्यान्ड्सका भर्जिल भ्यान डाइक दोस्रो र युभेन्टसमा रहेका पोर्चुगलका क्रिष्टियानो रोनाल्डो तेस्रो स्थानमा रहेका थिए।
उत्कृष्ट पुरुष खेलाडीसँगै अन्य विभिन्न सात विधाको मनोनयन फिफाले बुधबार सार्वजनिक गरेको हो। जसमा उत्कृष्ट महिला खेलाडी ११, उत्कृष्ट महिला गोलकिपरमा ६, उत्कृष्ट पुरुष गोलकिपरमा ६, उत्कृष्ट महिला टिम प्रशिक्षकमा ७, उत्कृष्ट पुरुष टिम प्रशिक्षकमा ५ जना र वर्ष उत्कृष्ट गोलका लागि ११ गोल रहेका छन्।
मनोनयनमा परेकालाई फिफा सम्बद्ध देशका राष्ट्रिय टिम कप्तान, प्रशिक्षक र एक मिडिया प्रतिनिधिले भोट गर्नेछन्। त्यसका साथै फिफाको वेवसाइटमा गएर समर्थकले समेत भोट गर्न पाउनेछन्। जसमा शीर्ष ३ मा पर्नेको नाम ११ सेप्टेम्बरमा र अन्तिम नतिजा १७ सेप्टेम्बरमा सार्वजनिक हुनेछ।
फिफा उत्कृष्ट पुरुष खेलाडीको मनोनयनमा
थियागो अलकान्टारा (स्पेन, बायर्न म्युनिक/लिभरपुल)
क्रिष्टियानो रोनाल्डो (पोर्चुगल, युभेन्टस)
केभिन डि ब्रायन (बेल्जियम, म्यानचेस्टर सिटी)
रोबर्ट लेवान्डोस्की (पोल्यान्ड, बायर्न म्युनिक)
सडियो माने (सेनेगल, लिभरपुल)
केलियन एमबाप्पे (फ्रान्स, पिएसजी)
लियोनल मेस्सी (अर्जेन्टिना, बार्सिलोना)
नेमार (ब्राजिल, पिएसजी)
सर्जियो रामोस (स्पेन, रियल मड्रिड)
मोहम्मद सलाह (इजिप्ट, लिभरपुल)
भर्जिल भ्यान डाइक (नेदरल्यान्ड्स, लिभरपुल)
उत्कृष्ट महिला खेलाडीको मनोनयनमा
लुसी ब्रोन्ज (इंग्ल्यान्ड, ओलम्पिक लियानोस/म्यानचेस्टर सिटी)
डेल्फिन क्यासारिनो (फ्रान्स, ओलम्पिक लियानोस)
क्यारोलिन ग्राहम हान्सेन (नर्वे, बार्सिलोना)
पर्निल हार्डर (डेनमार्क, वुल्भ्सबर्ग/चेल्सी)
जेनिफर हेर्मोसो (स्पेन, बार्सिलोना)
जी सो युन (दक्षिण कोरिया, चेल्सी)
साम केर (अस्ट्रेलिया, चेल्सी)
साकि कुमागाइ (जापान, ओलम्पिक लियानोस)
जेनिफर मोराजान (जर्मनी, ओलम्पिक लियानोस)
भिभाइन मिदेमा (नेदरल्यान्ड्स, आर्सनल)
वेन्डी रेनार्ड (फ्रान्स, ओलम्पिक लियानोस)
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।