काठमाडौं- अन्तर्राष्ट्रिय ओपन फ्रेन्डसिप तेक्वान्दो च्याम्पियनसिप (आइओएफटीसी) को आयोजनामा दोस्रो आइओएफटिसी अनलाइन भिडियो पुम्से च्याम्पियनसिप हुने भएको छ।
अमेरिकाको पोर्टल्यान्डमा मुख्यालय रहेको आइओएफटीसीले आफ्नो २० औं स्थापना दिवसका अवसरमा प्रतियोगिता आयोजना गर्न लागेको हो। प्रतियोगितामा ब्ल्याक बेल्ट र कलर बेल्ट गरी जम्मा ५० स्पर्धामा प्रतिस्पर्धा हुने आइओएफटीसीका निर्देशक दिवाकर महर्जनले जनाएका छन्। ब्ल्याक बेल्टमा पुरुष/महिलामा समान ११–११ स्पर्धामा खेल हुने छ। कलर वेल्टतर्फ पुरुष/महिलामा समान १४–१४ स्पर्धा समावेश छन्।
डिसेम्बर १५ देखि २५ तारिखसम्म बढीमा ९० मिनेट सम्मको श्रब्यदृष्य पठाउनु पर्ने छ। नतिजा ३१ डिसेम्बरमा सार्वजनिक गरिने आयोजकले जानकारी दिएको छ। उत्कृष्ट पुरुष/महिला खेलाडीलाई जनही १५० अमेरिकी डलर पाउने छन्।
नेपाली खेलाडीको सहभागितामा सहजीकरण गर्ने हेतुले रामचन्द्र ब्यन्जनकारको संयोजकत्वमा ५ सदस्यीय आइओएफटीसी हेल्प डेस्क टिम नेपाल गठन गरिएको छ। टिमका सदस्यहरुमा रजिन सिंह, अर्जुन महर्जन, निरोज गौतम र नमिका मोक्तान रहेका छन्।
प्रतियोगिताको पहिलो संस्करण गत जुनमा भएको थियो। पहिलो संस्करणमा २८ राष्ट्रका ४ सय २७ खेलाडीले सहभागिता जनाएका थिए। कोरोना भाइरसको जोखिमका कारण खेलमा फर्कन नपाइरहेको अवस्थामा प्रतियोगिताले खेलाडीलाई थारै भएपनि राहत दिने निर्देशक महर्जनले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772697424.jpg)
-1764146706.png)
