तिमीभित्रको शून्यपनको मिठास
न कुनै संगीतमा छ, न कुनै शब्दमा
तिमीभित्रको आफ्नोपनको आभास
न कुनै नाता मा छ, न कुनै भावमा ।।
तिम्रो मौनतामा असंख्य संवाद
ती संवादभित्र अल्झेका सपनाहरू
सपनाले भरिएका सुन्दर चेहेराहरू
न कुनै परीभन्दा कम सुन्दर अनि आकर्षक ।।
तिम्रो आफ्नोपनमा विविध कथाहरू
कथाका विरसिला अन्त्यहरू
अन्त्यले नै अन्त्य खोज्न हिँडेका पाइलाहरू
न कुनै वियोगभन्दा कम रोदन र कारुणिक ।।
अनौठो अपत्यारिलो संयोग छ तिमीभित्र
दिन्छौ अनि लिन्छौ बराबर हिसाब गरी
सन्तुलनको उदारणीय खेल छ तिमीभित्र
उदाउँछन सपनाहरू छाल्किन्छन विरहहरू।।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
