काठमाडौं- दक्षिण कोरियाली कार निर्माता कम्पनी हुन्डाईले उत्पादन गरेको इलेक्ट्रिक कार कोनामा समस्या देखिएपछि फिर्ता मागेको छ। कम्पनीले २०१७ सेप्टेम्बरदेखि २०२० मार्चको बीचमा बनेका २५ हजार ५ सय ६४ वटा इलेक्ट्रिक कार कोना फिर्ता मागेको हो।
दक्षिण कोरियाको यातायात मन्त्रालयका अनुसार कोना कारमा प्रयोग भएका हाई-भोल्टेज ब्याट्रीमा आगो लाग्ने जोखिम उच्च रहेकाले कम्पनीले फिर्ता मगाएको हो।
कम्पनीले अक्टोबर १६ देखि सेप्टेम्बर २०१७-मार्च २०२० मा बनेका २५ हजार ५ सय ६४ वटा कोना इलेक्ट्रिक कार फिर्ता लिन सुरू गर्ने मन्त्रालयले जारी गरेको विज्ञप्तिमा उल्लेख छ।
हाई भोल्टेज खराब ब्याट्री प्रयोग भएकाले कारमा आगलागीको जोखिम बढाउने हुन्डाईले जनाएको छ। के कारणले आग्लागीको जोखिम बढेको हो त्यो पत्ता लगाएर उपभोक्तालाई सम्बोधन गरिने हुन्डाईको भनाइ छ।
कोना इलेक्ट्रिकमा आग्लागीको १३ वटा कारण औंल्याइएको छ। हुन्डाई कोनामा एलजी चेमले बनाएको ब्याट्री प्रयोग गरिँदै आएको छ। तर ब्याट्री उत्पादकले भने ब्याट्री सेलका कारण आग्लागीको जोगिम नबढाएको दाबी गरेको छ। यसको कारण पत्ता लगाउन भविष्यमा हुन्डाईसँग अनुसन्धानमा लाग्ने एलजी चेमले जनाएको छ।
कोनाको ब्याट्रीमा समस्या आएपछि हुन्डाईको शेयर १.४ प्रतिशले घटेको थियो। इलेक्ट्रिक कारमा प्रयोग हुने ब्याट्रीको लागत कारको मूल्यको ३९ प्रतिशतभन्दा धेरै हुने भएकाले लगानीकर्राहरू सशंकित हुँदा शेयर मूल्य घटेको हो।
हुन्डाईको इलेक्ट्रिक कार कोना नेपाली बजारमा समेत बिक्री हुँदै आएको छ। हुन्डाई मोटरले आफ्नो भगिनी कम्पनी किया मोटरको उत्पादन समेत गरेर २०२५ सम्ममा १० लाख ब्याट्रीबाट चल्ने कार बिक्री गर्ने लक्ष्य लिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
