काठमाडौं- हंसराज हुलासचन्द एन्ड कम्पनीले प्रतिक्षित ब्रान्ड हस्कभर्ना नेपाली बजारमा सार्वजनिक गरेको छ। कम्पनीले नयाँ ब्रान्ड हस्कभर्नाका दुई मोडलका मोटरसाइकल सार्वजनिक गरेको हो।
कम्पनीले हस्कभर्नाका स्भार्टपिलेन २५० र भिटपिलेन २५० बजारमा ल्याएको हो। हस्कभर्ना मोटरसाइकल नेपालमा केटिएम मोटरसाइकलको सोरूमबाट नै बिक्री गर्ने कम्पनीले जनाएको छ। केटिएमका मोटरसाइकल पनि नेपाली बजारमा हंसराज हुलासचन्द एन्ड कम्पनीले नै बिक्री गर्दै आएको छ। यो कम्पनी बजाज मोटरसकइलको समेत आधिकारिक बिक्रेता हो।
हस्कभर्ना स्वार्टपिलेन र भिटपिलेनसँग आर्कषक स्विडेनी डिजाइनमा निर्माण भएको मोटरसाइकल रहेको हो। अन्डरस्टेटेड, मिनिमलिष्ट, एलिगेन्ट भएको कारणले अन्य प्रिमियम मोटरसाइकल सेग्मेन्टभन्दा भिन्न रहेको छ। स्भर्टपिलेन २५० मा रग्ड डिजाइनको अपराइट स्ट्यान्सका साथै यसमा डुअल पर्पज टायर दिइएको छ। भिटपिलन २५० मा स्पोर्टी डिजाइन, क्लिप ह्याण्डलबार र फ्रन्ट लिन राइडिंग पोजिसन उपलब्ध छ।
यी दुवै मोटरसाइकलमा २५० सिसीले फ्यूल इन्जेक्टेड, लिक्विड कूल्ड, सिंगल सिलिन्डर, ४–स्ट्रोक डिओएचसी इन्जिन छ। जसले उच्च गतिमा इञ्जिन रिफाइनमेन्टको उच्च स्तरमा टर्क उत्पादन गर्दछ। भिटपिलेन २५० ले ३१ बिएच पावर तथा २४ एनएम टर्क उत्पादन गर्छ।
यस्तै स्भर्टपिलेनमा रहेको इन्जिनले अधिकतम ९ हजार आरपिएममा २९.५ हर्सपावर र ७५ सय आरपिएममा २४ एनएम टर्क उत्पन्न गर्छ। यी मोटरसाइकलमा बोस्च ब्रान्डको डबल डिस्क, डबल च्यानल स्यान्डर्ड एबिएस, एलइडी हेडल्याम्प, एलइडी टेल ल्याम्प, १७ इन्च कास्ट आल्मुनियम ह्वीललगायत विशेषता उपलब्ध छन्। यी दुवै मोटरसाइकलको मूल्य ५ लाख ६९ हजार ९ सय रुपैयाँ तोकिएको कम्पनीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1695028531.jpg)
-1786602170.png)
