काठमाडौं–मेगा बैंकले नबिकेको १८ लाख ४० हजार ७३८ कित्ता हकप्रद शेयर बोलकबोल लिलाममार्फत् बिक्री गर्ने भएको छ। बैंकले सर्वसाधारणतर्फको ११ लाख ३३ हजार ३४४ कित्ता र संस्थापक शेयर धनी समूहको ७ लाख ७ हजार ३९४ कित्ता हकप्रद शेयर असोज ११ गतेदेखि १८ गतेसम्म लिलाम आह्वान गरेको हो।
बैंकले २०७४ भदौ २७ गतेदेखि कात्तिक १४ गतेसम्म ६५ प्रतिशत हकप्रद शेयर निष्काशन गरेको थियो। बैंकले दुई करोड ९७ लाख कित्ता हकप्रद निष्काशन गर्दा २ करोड ७९ लाख कित्तामात्रै बिक्री भएको थियो। तर बैंकले तीन वर्ष वितिसक्दा पनि नबिकेको हकप्रद शेयरको बोलकबोल लिलाम गर्न सकेको थिएन।
बोलकबोल लिलाम आह्वान गर्न चाहने लगानीकर्ताले न्युनतम १०० कित्तादेखि अधिकतम एक लाख कित्तासम्मका लागि आवदेन दिन सक्ने बैंकले जनाएको छ। बोलकबोल गर्दा प्रति कित्ता एक सय रुपैयाँदेखि सुरु हुनेछ। हाल दोस्रो बजारमा सर्वसाधारणतर्फको शेयर मूल्य २२८ रुपैयाँ रहेको छ। एक वर्षको अवधिमा बैंकको बजार मूल्य अधिकतम २७९ रुपैयाँसम्म र न्युनतम १७७ रुपैयाँमा कारोबार भएको छ।
बैंकले बजार मूल्य घटिरहेको समयमा बोलकबोल आह्वान नगरेर बजार मूल्य अधिकतम भएको अवस्थामा शेयर बिक्री गर्न लागेको हो।
लगानीकर्ताले मेगा क्यापिटल मार्केट्स त्रिपुरेश्वर कम्प्लेक्सबाट आवेदन दिन सक्नेछन्। यसका साथै मेगा बैंकका विभिन्न तोकिएका शाखामार्फत् पनि आवेदन दिन मिल्ने मेगा क्यापिटलले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791984972.png)
-1786602170.png)
