डडेल्धुरा- डडेल्धुराका एक युवा ८ वर्षदेखि निरन्तर गर्दै आएको शिक्षण पेसा छोडेर व्यावसायिक कुखुरा पालन गरिरहेका छन्। जिल्लाको अमरगढी नगरपालिका वडा नम्बर ८ खुल्लेकका ३४ वर्षीय गणेश ओझाले शिक्षण पेसा छोडेर कुखुरा पालनतर्फ आकर्षित भएका हुन्।
जिल्लाका ४ निजी विद्यालयमा ८ विर्ष निरन्तर शिक्षण गरेका ओझाले अहिले घरमै कुखुरापालन गरिहेका छन्। कुखुरा पालनको प्रविधिक ज्ञानसमेत नपाएका उनी कुखुराका चल्ला हुर्काउने पेसामा रमाएका छन्।
कुखुरा पालनबाट बजार तथा हावापानी राम्रो भएको वर्ष वार्षिक ४ लाख बचत गर्ने गरेका छन्। उनले भने, ‘१२ महिनौ नै कुखुरा पालन गर्यो भने वार्षिक ४ लाख बचत मजाले हुन्छ। तर बजार तथा हावापानीले साथ दिनुपर्छ।’
दुई वटा खोर बनाएर २ सय चल्ला पालन गरिरहेका कृषक ओझाले चल्ला कम पाउने तथा राम्रो दाना अभाव हुने समस्या झेल्न परिहेका छन्। डडेल्धुरामा चल्ला उत्पादन नहुने भएपछि धनगढीबाट चल्ला ल्याउनु पर्ने तथा भने अनुसारको नपाउने समस्या कायम छ। ओझाले भने, ‘योभन्दा बढी पाल्ने सोच थियो भने अनुसार तथा समयमा चल्ला पाउन गाह्रो हुन्छ।’
व्यवसाय राम्रो नै चलेको छ। तर स्थानीय सरकारले अनुदानका कार्यक्रम कार्यकर्तामुखी भएको तर युवाहरूलाई उद्यमशील बनाउन जोड नगरेको उनको आरोप छ।
‘अनुदानका कार्यक्रम व्यवसाय गर्ने मनसाय भएकालाई नभई कार्यकता पोस्न दिने गरेको गुनासो सुन्न पाइन्छ,’ उनले भने, ‘व्यावसायिक रुपमा थप मजबुद हुन तथा कुखुरापालनको क्षेत्र ठूलो बनाउने स्थानीय सरकारको साथ म खोजी रहेको छु।’
व्यावसायिक रुपमा कुखुरापालन गरिरहेका अमरगढीमै एक हजारभन्दा बढी रहेको अमरगढी नगरपालिकाले जनाएको छ। सरकारी अनुदान तथा क्षमता अविवृद्धिका कार्यक्रम गर्ने तथा व्यवसायिक युवाहरुलाई व्यवासायिक बनाउन आफ्नो योजना रहेका अमरगढीका नगरप्रमुख विशेश्वर ओझाले बताए।
उनले, 'हामी कुखुरा र तरकारीमा आत्मनिर्भर छौं। अब थप लगाउने गरेर निर्यात गर्नु पनि हुन्छौं।’
डडेल्धुरामा कुखुरा अझै पनि तराईका जिल्ला कैलाली र कञ्चपुरबाट सस्तो मूल्यमा आउने भएकाले यहाँको कुखुराले बजार नपाउने समस्या कायम रहेका अमरगढीमा मासु व्यपारी रोहित अवस्थीले बताए। उनले भने, ‘हामी कुखुरा खरिद गर्छौ, कुनै समय तराईबाट सस्तोमा मिल्छ। यहाँको कसरी राख्ने कि त स्थानीय सरकारले तराईबाट आउने कुखुरा रोक्नु पर्यो।’
अहिले डडेल्धुराको बजार बोइलर कुखुराको मासु प्रति किलो ३ सय ५० देखि ३ सय ९० सम्म पर्छ भने, कुखुरा जिउँदै प्रति किलो १ सय ८० पर्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786800305.jpg)
-1786602170.png)
-1786513116.png)
