बुटवल- बुटवल बेलहिया व्यापारिक मार्ग विस्तार आयोजना अन्तर्गत बुटवलको राजमार्ग चौराहदेखि गोलपार्कसम्म साढे ३ किलोमिटर सडक विस्तार कार्य कडा सुरक्षा व्यवस्थाका साथ सुरु गरिएको छ।
बुटवल राजमार्ग चौराहदेखि गोलपार्कसम्मको सडक विस्तारका लागि गत बुधबारदेखि सुरु गर्नेगरी डोजर लगाएर बाटो छेउका घर भत्काउन थालिएपछि स्थानीयले आफैले भत्काउने भन्दै एक हप्ताको समय मागेका थिए। एक हप्तासम्म पनि कसैले आफ्नो स्वेच्छाले घर नभत्काएपछि सडक आयोजनाले आजदेखि पुन: डोजर प्रयोग गरेर सडक विस्तारलाई तीव्रता दिएको हो।
सुरक्षाकर्मीको सहयोगमा अहिले बुटवलको नयाँ बसपार्कबाट घर भत्काउन थालिएको छ। ८२ फुट सडक क्षेत्रभित्र पर्ने संरचनामा प्रहरीको सहयोगमा डोजर चलाएर सडक विस्तारको काम सुरु गरिएको हो।
सडक विस्तार हुने क्षेत्रमा अहिले प्रहरीको बाक्लो उपस्थिति छ। त्यस क्षेत्रमा रहेका व्यवसायीले सडक किनारामा रहेका घर नभत्काएपछि प्रहरीको सहयोगमा डोजर लगाइएको हो। घर भत्काउन सुरु गरेपछि घरधनीहरुले विरोध समेत गरेका थिए।
बुटवलको मुख्य बजार क्षेत्र राजमार्ग चौराहादेखि गोलपार्कसम्म ३.७ किलोमिटर सडकमा ३ सय ११ घरहरू भत्काउनुपर्नेछ। जम्मा ३० वटा घर मात्र घरधनीले भत्काएका छन्। त्यसका लागि आयोजनाले पटक पटक सूचना जारी गरे पनि घरधनीले अटेर गर्दै आएका थिए।
राजमार्ग चौराहादेखि चिडिया खोलासम्मको साढे ३ किलोमिटर सडक खण्डमा ३ सय २५ घर सडक क्षेत्र मिचेर बनेका छन्।
अहिले ४ लेनमा रहेको सडकलाई ६ लेनमा विस्तार गर्ने प्रक्रिया सुरु गरेसँगै घरधनीहरुले विस्तार रोक्न कहिले अदालत, कहिले सरकार त कहिले दलहरुको शरणमा पुगेर अवरोध सिर्जना गर्दै आएका थिए। दुई हप्ताअघि घरधनीको पक्षमा प्रमुख तीन दल एमाले, कांग्रेस र माओवादी तथा चार वटा व्यवसायिक संस्थाले विज्ञप्ति निकालेर सडक विस्तार रोक्न माग गरेका थिए। तर त्यो म्याद हिजो नै सकिएको थियो।
यो सडकमा २ लेयर अर्थात् १० सेन्टिमिटर कालोपत्रे थपिनेछ। दायाँ बायाँ १–१ लेनको सर्भिस लेन र नाली पनि बनाइनेछ। यसको कुल लागत ४२ करोड रुपैयाँ अनुमान गरिएको छ। आर्थिक वर्ष २०६८/०६९ देखि निर्माण सुरु भएको सडकको ११ किलोमिटर मात्रै कालोपत्रे भएको छ। करिब १३ किलोमिटर सडक निर्माण हुन बाँकी छ।
आर्थिक वर्ष २०७०/०७१ मा निर्माण सम्पन्न गर्ने लक्ष्यसहित २०६९ सालदेखि बुटवल राजमार्ग चौराहादेखि बेलहिया नाकासम्म २४ किलोमिटर सडक निर्माण सुरु भएको थियो। व्यापारिक मार्ग विस्तार आयोजनाका लागि ३ अर्ब ३ करोड ८३ लाखमा ठेक्का दिइएको थियो।
आर्थिक वर्ष २०७३/०७४ देखि राजमार्ग चौराहादेखि चिडियाखोलासम्म साढे ३ किलोमिटर सडक आयोजनामा थपिएको हो। यो समेत गरी ५ अर्ब ८६ करोड रुपैयाँमा बुटवलदेखि बेलहिया नाकासम्मको साढे २७ किलोमिटर सडक ६ लेनको बनाइने छ।
आयोजनाका इन्जिनियर गोविन्द श्रेष्ठले सडक क्षेत्रभित्रका घरहरु घरधनी स्वयंले नभत्काएपछि डोजर प्रयोग गरी भत्काउन थालिएको बताए।
३ वर्षदेखि ७, ८ पटक ८२ फुटभित्र परेका संरचना हटाउन सूचना जारी गरिएको थियो। आयोजनाले अहिले सडकका दायाँबायाँ रहका रूखहरू हटाइसकेको छ। ४ वर्षअगाडि ४ लेनमा निर्माण भए पनि बुटवल बजार क्षेत्रको सडक ६ लेनको बनाउन २ वर्षअगाडि अनुमति पाएको थियो। यहाँका ४२ जना घरधनीले आफूहरूको घर ‘नभत्काई पाऊँ’ भन्दै सर्वोच्च अदालत र उच्च अदालत बुटवलमा मुद्दा दर्ता समेत गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
