काठमाडौं- सरकारले भारतीय सहयोगमा सञ्चालन हुने साना आयोजनाको म्याद २०२३ अगस्ट ५ सम्म थप गर्ने निर्णय गरेको छ। भारतीय दूतावासको सहयोगमा सञ्चालन हुने साना आयोजना कार्यान्वयनको समय थप गर्ने निर्णय मन्त्रीपरिषद्को बैठकले गरेको हो।
सञ्चार तथा सूचना प्रविधिमन्त्री डा युवराज खतिवडाले अर्थ मन्त्रालयको प्रस्तावमा यो कार्यक्रमको म्याद थप गरिएको जानकारी दिए। नेपालमा सन् २००८ देखि भारतीय दूतावासको सहयोगमा साना आयोजना सञ्चालन हुँदै आएको छ।
यसअघि यो कार्यक्रमको म्याद सन् २०२० को अन्त्यसम्मका लागि मात्रै थियो। सरकारले ३ वर्षका लागि म्याद थप गरेको हो।
भारतीय दूतावासको सहयोगमा नेपालमा विद्यालय, स्वास्थ्य चौकीलगायतका भौतिक संरचना निर्माण भइरहेका छन्। तर, दूतावासमार्फत त्यसरी दिइने आर्थिक सहयोगको नेपालमा निरन्तर विरोध हुँदै आएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।