काठमाडौं–कोरोना भाइरस नियन्त्रणका लागि भन्दै सरकारले जारी गरको लकडाउन अन्त्य भइसकेका छ। तर, केही जिल्ला तथा ठाउँमा भने पुनः लकडाउन सुरु भइसकेको छ। लकडाउनकै अवधिमा देशभरका उद्योगमा कार्यरत २२ प्रतिशतभन्दा बढी श्रमिकले रोजगारी गुमाइसकेका छन्। रोजगारी गुमाएका श्रमिकलाई झन् मंहगीले सताएको छ।
लकडाउनकै बीचमा दैनिक उपभोग्य वस्तुको मूल्य १० देखि २० प्रतिशतसम्म बढेको छ। कतिपय दैनिक उपभोग्य वस्तुको मूल्य त ३० प्रतिशतसम्म पनि बढेको छ।
खुद्रा व्यापार संघका अध्यक्ष पवित्रकुमार बज्राचार्यका अनुसार दैनिक उपभोग्य सामानसँगै अन्य सामानको मूल्यमा १० देखि २० प्रतिशतसम्म मूल्य बढेको छ। उनका अनुसार लकडाउनकै अवधिका चामलमा प्रतिबोरा १ सयदेखि १ सय ५० रुपैयाँसम्म मूल्य बढेको छ।
यसैगरी खाने तेलको मूल्य पनि प्रतिलिटर १० रुपैयाँदेखि १५ रुपैयाँ बढेको छ। साथै लकडाउनकै अवधिमा दालमा पनि प्रतिकेजी २० देखि ३० रुपैयाँ बढेको छ। यसबाहेक पनि गेडागुडीको मूल्य प्रतिकिलो १० रुपैयाँदेखि २० रुपैयाँसम्म बढेको छ।
लकडाउनकै अवधिका सबै चिनीको मूल्य पनि अस्वाभिक रुपमा बढेको छ। अहिले बजारमा सस्तोका चिनी बेच्नेले प्रतिकिलो ९० रुपैयाँमा बिक्री गरे पनि बढीमा ९५ रुपैयाँसम्ममा बिक्री भइरहेको छ।
‘अहिले बजारमा मूल्य नबढेको वस्तु नै छैन,’ उनले भने, ‘अमेरिकी डलरको मूल्य र ढुवानीका कारण विदेशबाट आयातित सामानको मूल्यसमेत बढेको छ। जसका कारण मंहगी अस्वाभाविक रुपमा बढको छ।’
मंहगी बढे पनि श्रमिकको तलब भने बढको छैन। जसका कारण सबैभन्दा ठूलो मारमा मजदूर वर्ग परेको छ। पछिल्लो समय तरकारीको मूल्य पनि बढेको छ। लकडाउनको सुरुवाती चरणको तरकारी मूल्यभन्दा अहिले तरकारीको मूल्य नै शतप्रतिशतसम्म बढेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768207138.png)
-1768202892.png)
-1764146706.png)
