काठमाडौं– श्रम, रोजगार तथा सामाजिक सुरक्षा मन्त्रालयले आर्थिक वर्ष २०७६/०७७ मा ७५ प्रतिशत कार्यप्रगति भएको दाबी गरेको छ। शुक्रबार मन्त्रालयको वार्षिक समिक्षा गर्दै मन्त्रालयले ७५ प्रतिशत कार्यप्रगति भएको दाबी गरेको हो।
कुल बजेट ६ अर्ब ४० करोड ५२ लाखबाट मन्त्रालयले चालुतर्फ ३ अर्ब ८ करोड ३९ लाख र पुँजीगततर्फ ५ करोड ८१ लाख खर्च गरी ४९ प्रतिशत वित्तीय प्रगति गरेको मन्त्रालयका प्रवक्ता सुमन घिमिरेले जानकारी दिए।
वैदेशिक सहायतातर्फको बजेट प्राप्त नभएकाले सो प्रगति कम देखिएको उनको भनाइ छ। बेरुजु फर्छ्यौट ५५ दशमलव ५० प्रतिशत रहेको छ। श्रम मन्त्रालयअन्तर्गत आर्थिक वर्ष २०७६/०७७ को १४४ माइलस्टोनमध्ये ८८ वटा सम्पन्न गरेको उल्लेख गरिएको छ। त्यस्तै ४५ माइलस्टोन आंशिक रूपमा सम्पन्न भई कुल ७५ प्रतिशत प्रगति भएको मन्त्रालयले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775575666.png)
-1764146706.png)
