सिस्ने- विद्युत्को पहुँच नभएको रुकुम–पूर्वको सिस्ने गाउँपालिका- १ मा पहिलोपटक विद्युत् उत्पादन हुने भएको छ।
सिस्ने–१ स्थित पाखा ओराली खोला लघुजल विद्युत् आयोजनाबाट ४६ किलोवाट क्षमताको विद्युत् उत्पादन हुन लागेको हो।
सिस्नेको ८ वडामध्ये हालको सिस्ने गाउँपालिका- १ सिस्ने एवं साविकको सिस्ने गाविसमा विद्युत्, सञ्चार र यातायातको सुविधा अहिलेसम्म पुगेको छैन। यस वडामा ४४१ घरधुरी छन्। उनीहरु सोलार, टर्च लाइट र दियोको भरमा बसिरहेका छन्।
आर्थिक वर्ष २०७५/७६ मा वडाको ३० लाख र गाउँपालिकाको १० लाख गरी ४० लाख बजेटले विद्युत् उत्पादनको काम शुरु गरिएको वडाध्यक्ष मानबहादुर बुढाले बताए। ४० लाख रूपैयाँ बजेटले ११ हजार २०० मिटर तार खरिद, १ हजार २०० मिटरमा नहर निर्माण, विद्युत् पावर हाउसको जग निर्माण, ५७ फलामका पोल खरिद र खरिद गरिएको सामान ढुवानी गरिएको वडाध्यक्ष बुढाले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
