काठमाडौं- नेपालमा कोरोना संक्रमितको संख्या करीब १७ हजार पुगेको छ। गत २४ घण्टामा १ सय ४४ जना भेटिएसँगै संक्रमितको संख्या १६ हजार ९ सय ४५ जना पुगेको हो। २५ वटा प्रयोगशालामा गरिएको परीक्षणमा १ सय ४४ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
प्रादेशिक जनस्वास्थ्य प्रयोगशाला विराटनगरमा झापाका ४, मोरङ र सुनसरीका १/१ जना, गजेन्द्र नारायण सिंह अस्पताल राजविराजमा सप्तरीका १ जनामा कोरोना पुष्टि भएको छ। प्रादेशिक जनस्वास्थ्य प्रयोगशाला जनकपुरमा धनुषाका ११ र महोत्तरीका ४, नारायणी अस्पताल विराजगञ्जमा धनुषाका १६, राष्ट्रिय जनस्वास्थ्य प्रयोगशाला टेकुमा काठमाडौंका २ र कपिलवस्तुका ८ जनामा कोरोना भेटिएको मन्त्रालयका प्रवक्ता डा. जागेश्वर गौतमले बताए।
शुक्रराज ट्रपिकल तथा सरुवा रोग अस्पताल टेकुमा भक्तपुरका १, पाटन अस्पताल ललितपुरमा ललितपुरका ५, काभ्रे, कैलाली, म्याग्दी र दोलखामा १/१, किटजन्य रोग अनुसन्धान तथा तालिम केन्द्र हेटौडामा मकवानपुरका १ र रौतहटका ९ जनामा कोरोना पाइएको छ।
गत २४ घण्टामा गरिएको परीक्षणमा धुलिखेल अस्पतालमा सिन्धुलीका १, त्रिवि शिक्षण अस्पतालमा काठमाडौंका १ र बागलुङका २, प्रादेशिक जनस्वास्थ्य प्रयोगशाला पोखरामा म्याग्दी, पवर्त र स्याङजाका १/१ र तनहुँका २ जनामा कोरोना पुष्टि भएको छ।
प्रादेशिक जनस्वास्थ्य प्रयोगशाला रुपन्देहीमा कपिलवस्तुका १, भेरी अस्पताल प्रयोगशाला नेपालगञ्जमा बर्दिया र दाङका २/२, चौरजहारी नगरपालिका पिसिआर प्रयोगशालामा रुकुम पश्चिमका २, सुर्खेत प्रादेशिक अस्पतालमा बाँकेका १, दैलेखका २, जाजरकोटका १ र सुर्खेतका ४१ जनामा कोरोना भेटिएको मन्त्रालयले जनाएको छ।
डडेल्धुरा अस्पताल प्रयोगशालामा बझाङ र बैतडीका २-२, सेती प्रादेशिक अस्पताल धनगढीमा अछामका १ र कैलालीका १० जनामा कोरोना पुष्टि भएको प्रवक्ता गौतमले बताए। कोरोनाको आशंका गत २४ घण्टामा ५ हजार ८ सय ५६ जनाको पिसिआर परीक्षण गरिएको छ । मुलुकभर हाल ६ हजार ६ सय १३ जना अस्पतालको आइसोलेसन र १० हजार २ सय ९४ जना क्वारेन्टाइनमा रहेको मन्त्रालयले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775122347.png)
-1764146706.png)
