काठमाडौं- नेपाल यातायात व्यवसायी महासंघ, तीन वटा मजदुर संघ र भौतिक पूर्वाधार तथा यातायातमन्त्री बीच साँझ ५ बजे सिंहदरबारमा छलफल हुने भएको छ। व्यवसायी तथा मजदुर संघहरुले सरोकारवालाहरुसँग छलफल गर्ने निर्णय शनिबार गरेका थिए। त्यही अनुरुप व्यवसायीहरु मन्त्रीसँग छलफल गर्न सिंहदरबार गएका हुन्।
महासंघ र नेपाल यातायात मजदुर संघ, अखिल नेपाल यातायात मजदुर संघ र नेपाल यातायात स्वतन्त्र मजदुर संगठनले सार्वजनिक यात्रुबाहक सवारी सञ्चालनका लागि विभिन्न पक्षसँग छलफल गर्ने निर्णय शनिबार भएकाे थियो। सोही निर्णयअनुसार आफूहरु मन्त्री वसन्तकुमार नेम्वाङसँग साँझ ५ बजे छलफलका लागि जान लागेको महासंघका महासचिव सरोज सिटौलाले बताए।
व्यवसायी तथा मजदुर संघहरुले आफूहरुले राखेको आधारभूत माग पूरा नभए बस सञ्चालन गर्न नसकिने बताउँदै आएका छन्। सरकारले शुक्रबारदेखि ५० प्रतिशत बढी भाडा लिएर बस सञ्चालन गर्न दिने निर्णय गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1764146706.png)
-1786513116.png)
