एजेन्सी- बहुराष्ट्रिय प्रविधि कम्पनी अमेजनले आफ्नो मोबाइलबाट टिकटक एप्स हटाउन कर्मचारीहरूलाई अनुरोध गरेको छ। ‘सुरक्षा जोखिम’ भएको कारण देखाउँदै अमेजनले मोबाइलबाट टिकटक हटाउन कर्मचारीहरूलाई अनुरोध गरेका विषयमा न्युयोर्क टाइम्सले समाचार प्रकाशन गरेको छ।
भारतले टिकटक र युसी ब्राउजरलगायत ५९ ओटा चिनियाँ एप्स प्रतिबन्ध लगाएको केही दिनपछि अमेजन कम्पनीले यस्तो निर्णय गरेको हो। सार्वभौमिकता, अखण्डताको प्रतिरक्षाको लागि यस्तो निर्णय गरिएको बताइएको छ।
मोबाइलका साथै कर्मचारीहरूले अमेजनका इमेल पहुँच रहेका सबै उपकरणहरूबाट एप्स मेटाउनुपर्ने अमेजनका अधिकारीहरूले आग्रह गरेका हुन्। कर्मचारीले आफ्नो आमेजोन कम्पनीबाट इमेल प्राप्त गर्ने प्रयोजनका लागि शुक्रबारसम्म टिकटक एप्स हटाउनुपर्ने अधिकारीहरुले जानकारी दिएका छन्। यद्यपि आमेजोनका कर्मचारीहरूलाई उनीहरूको ल्यापटप ब्राउजरबाट अझै टिकटक हेर्न अनुमति छ।
ह्वाइट हाउसले टिकटकलगायत चिनियाँ सामाजिक सञ्जालका एप्स प्रतिबन्ध लगाएको यसअघि नै अमेरिकी विदेशमन्त्री माइक पोम्पेओले पुष्टि गरिसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
