काठमाडौं- चिनिया राजदूत होउ यान्छीको सक्रियतालाई लिएर आलोचना भइरहेको बेलामा पर्यटनमन्त्री तथा नेकपा स्थायी कमिटी सदस्य योगेश भट्टराईले भने बचाउ गरेका छन्।
बुधबार फेसबुकमा स्टाटस लेख्दै भट्टराईले दुई छिमेकी मुलुक भारत र चीनको नाम नलिई ती देशको नेपालप्रतिको व्यवहारको तुलना गरेका छन्। र भनेका छन्- कसैको पनि कुरा सुन्नु राम्रो हो। मान्ने नमान्ने अधिकार हाम्रो हो!
उनले चार बुँदामा भारतीय र चिनिया व्यवहारको तुलना गरेका छन्:
१. संविधान बनाउने बेलामा असफल पार्न खोज्नु ठीक वा सविधान निर्माणप्रति सद्भभाव राख्नु ठिक?
२. पहिलो र दोश्रो संबिधानसभाको बेलामा तराई र पहाड, जाति जनजातिको सामान्य अन्तरविरोधलाई चर्काएर नेपालमा विग्रह ल्याउन प्रयत्न गर्नु ठीक वा त्यसलाई हल गर्न र नेपाल र नेपालीको एकताप्रति सद्भाव राख्नु ठिक?
३. नेपालमाथि नाकाबन्दी लगाएर हायलकायल पार्न खोज्नु ठीक वा त्यो गलत हो, नेपाल र नेपालीलाई बाँच्न देऊ भन्नु ठीक?
४. पार्टी/पार्टी र पार्टीभित्रको अन्तरविरोधमा घ्यू थपेर नेपालको लोकतन्त्रलाई कमजोर बनाउनु र अस्थिरता सिर्जना गर्नु ठीक वा सबै पार्टी बीचमा राम्रो एकता बनाउँदै नेपालको समृद्धिप्रति सद्भाव राख्नु ठीक?
उनले कुनै पनि विदेशी राजनीतिक तथा कूटनीतिक गतिविधिलाई यसै सन्दर्भबाट हेरियो भने सही हुने बताएका छन्।
नेकपाभित्र विवाद बढ्दै गएको बेला यान्छीले प्रमुख नेताहरुलाई भेटिरहेकी छिन्। आलोचकहरुलाई त्यसलाई पार्टीभित्रको शक्ति संघर्षमा खेल्न खोजेको र नेपालको आन्तरिक मामिलामा हस्तक्षप गरेको बताइरहेका छन्। नेकपाका नेता तथा कार्यकर्ताले भने बचाउ गरेका छन्।
गत वैशाखमा पनि नेकपाभित्र शक्ति संघर्ष चर्किएका बेला यान्छीले सक्रियता देखाएकी थिइन्। साथै, विवाद पनि तत्काललाई साम्य भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787723619.jpg)
-1786602170.png)
