काठमाडौं- सशस्त्र प्रहरी बलको छाङरूस्थित बोर्डर आउट पोस्ट (बिओपी)ले छाङरूदेखि तिङ्कर भञ्ज्याङ जाने करिब ११ किलोमिटर गोरेटो बाटो मर्मत गरेको छ।
सशस्त्र प्रहरी निरीक्षक लिलि बहादुर चन्दको टोलीले स्थानीय जनतासँगको सहकार्यमा सुक्खा तथा हिउँ पहिरो हटाएर गोरेटो बाटो सञ्चालन गराएको हो। सुख्खा पहिरोका कारण लामो समयसम्म अवरूद्ध बाटो सञ्चालन गराएपछि स्थानीय जनता खुशी भएका छ्न्।
बाटो मर्मतपछि सदरमुकाम बसाइसराई गरी आएका तिंकरका बासिन्दालाई गाउँ फर्कन, चौपाया तथा खाद्यान्न लैजान समेत सहज भएको छ। यस्तै १७.४५ किलोवाटको छाङरू जलविद्युत आयोजनाको नहर समेत सशस्त्र प्रहरिले मर्मत गरेको छ।
हिउँ पहिरोका कारण ठाउँ ठाउँमा भत्किएको सो नहरको हिउँ पन्छाएर जलविद्युत सेवा सुचारु गर्न सशस्त्र प्रहरिले सहयोग गरेको हो। दुवै कार्यमा स्थानीय जनताको समेत सहभागिता थियो। बिओपी स्थापना भएदेखि नै सशस्त्र प्रहरी बलको टोली विभिन्न सामाजिक कार्यमा सहभागी हुँदै आएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768362308.png)
-1768291693.png)
-1764146706.png)
-1768288990.png)
