प्रतीकात्मक तस्बिर
काठमाडौं- कोभिड-१९ संकट व्यवस्थापन केन्द्र (सिसिएमसी)ले विमानस्थलमा खटिने कर्मचारीलाई २ जोरका दरले व्यक्तिगत सुरक्षा कवच (पिपिई) प्रदान गर्ने निर्णय गरेको छ। लकडाउन खुलेपछि आन्तरिक तथा बाह्य उडान सेवा सुरु भएको अवस्थामा विमानस्थलका कर्मचारीको सुरक्षाका लागि २ जोर पिपिई प्रदान गर्ने निर्णय गरेको हो।
केन्द्रले आन्तरिक तथा बाह्य उडान कहिलेबाट संचालन गर्न भन्नेबारे कुनै निर्णय गरेको छैन। प्रधानमन्त्री कार्यालयका सचिव समेत रहेका सिसिएमसीका सदस्यसचिव महेन्द्र गुरागाईंले सोमबारको मन्त्रिपरिषद् बैठकले यससम्बन्धमा निर्णय गर्न सक्ने बताएका छन्।
यस्तै केन्द्रले अनिवार्य होम क्वारेन्टाइनमा बस्ने प्रतिबद्धतासहित स्थानीय तहबाट सिफरिस लिएर आउनेलाई उपत्यका भित्रिन दिने निर्णयसमेत गरेको छ। स्वास्थ्य तथा जनसंख्या मन्त्रालयको मापदण्डअनुसार स्थानीय तह, वडा कार्यालय र प्रहरीको सिफारिस लिएर आएमा होम क्वारेन्टाइनमा बस्ने प्रतिबद्धतासहित उपत्यका भित्रिन दिने निर्णय सिसिएमसीले गरेको हो।
प्रधानमन्त्री तथा मन्त्रिपरिषद् कार्यालयका सचिव महेन्द्र गुरागाईंले स्वास्थ्य मन्त्रालयको मापदण्डअनुसार १४ दिन होम क्वारेन्टाइनमा बस्ने गरी स्थानीय तह र प्रहरीको सिफारिस लिएर आउन दिने निर्णय सिसिएमसीले गरेको हो। हवाई तथा स्थलमार्गबाट आउने सबैमा सो निर्णय लागू हुने उनले बताए।
सिसिएमसीले क्वारेन्टाइनमा स्वास्थ्य सामग्री वितरण गर्न मन्त्रालयको अनुमति पनि अनिवार्य गर्ने निर्णय गरेको छ। संक्रमणको जोखिमलाई मध्यनजर गर्दै यस्तो निर्णय गरिएको उनको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1764146706.png)
-1786513116.png)
