काठमाडौं- सरकारले विदेशमा समस्यामा परेका नेपालीलाई स्वदेश फर्काउन सुरु गर्ने निर्णय गरेको छ।
सरकारको यो निर्णयमा गैह्रआवासीय नेपाली संघ एनआरएनएले सहजीकरण गर्ने संघका अध्यक्ष कुमार पन्तले जानकारी दिए।
उपप्रधानमन्त्री ईश्वर पोखरेल नेतृत्वको उच्चस्तरीय समन्वय समितिले प्राथमिकता तोकेर विदेशमा रहेका नागरिकलाई स्वदेश फर्काउने निर्णय गरेको छ।
कोभिड–१९ रोकथाम तथा नियन्त्रण उच्चस्तरीय समन्वय समितिले शुक्रबार बसेको बैठकले दश दिनपछि दैनिक ३ हजारदेखि ३ हजार ५ सयसम्म नेपालीहरूलाई स्वदेश ल्याउन सकिने निष्कर्ष निकालेको छ।
उच्चस्तरीय समितिको निर्णयबमोजिम मन्त्रिपरिषदले अनुमोदन गरेपछि उद्धारको कार्य सुरु हुने भएको छ।
परराष्ट्र मन्त्रालयले तयार पारेको सूचीअनुसार क्रमशः उनीहरूलाई स्वदेश फर्काउने कार्ययोजना छ र तेस्रो मुलुकबाट नागरिक ल्याउने काम एक सातापछि सुरु हुने अनुमान छ।
नेपालमा भएका सबै सरकारी र निजी कम्पनीका जहाज उडाउने सरकारको तयारी रहेको छ। नेपाल फर्किन चाहनेहरूले जहाजको भाडा भने आफैं तिर्नुपर्नेछ। यसअघि एनआरएनएले अमेरिका, युके, कतार, युएईलगायतका देशले नेपाल फर्किन चाहने नेपालीहरुको नाम संकलन गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1738557849.jpg)
-1764146706.png)
