काठमाडौं- भारतमा कोरोना संक्रमण पुष्टि हुनेको संख्या एक लाख नाघेको छ। जोन हप्किन्स विश्वविद्यालयले प्रकाशित गरेको तथ्यांक अनुसार भारतमा संक्रमण पुष्टि हुनेको संख्या १ लाख ३ सय ४० जना छन्।
सर्वाधिक संक्रमण देखिएका देशको सूचीमा भारत ११औं स्थानमा छन्। सूचीको सबैभन्दा अगाडि अमेरिका छ। त्यसपछि क्रमशः रुस, ब्राजिल, बेलायत, स्पेन, इटाली, फ्रान्स, जर्मनी, टर्की, इरान तथा भारत छन्।
भारतमा ३ हजार १ सय ५६ जनाको कोरोना संक्रमणपछि मृत्यु भएको छ। सर्वाधिक मृत्यु हुने देशको सूचीमा भारत १६औं स्थानमा छ।
भारतमा ३९ हजार २ सय ३३ जना संक्रमित अहिले संक्रमणमुक्त भएका छन्।
विश्वभर कोरोना : ४७ लाख ९५ हजार संक्रमित, ३ लाख १८ हजारको मृत्यु
विश्वभर कोरोना संक्रमितको संख्या ४७ लाख ९५ हजार ९ सय ४१ पुगेको छ। जोन हप्किन्स विश्वविद्यालयले प्रकाशित गरेको मंगलबार बिहानसम्मको तथ्यांक अनुसार अमेरिकामा सर्वाधिक १५ लाख ६ हजार ८ सय ४० जनामा संक्रमण पुष्टि भएको छ।
त्यस्तै, रुसमा २ लाख ९० हजार ६ सय ७८, ब्राजिलमा २ लाख ५४ हजार २ सय २०, बेलायतमा २ लाख ४७ हजार ७ सय ९, स्पेनमा २ लाख ३१ हजार ६ सय ६, इटालीमा २ लाख २५ हजार ८ सय ८६ जनामा संक्रमण पुष्टि भएको छ।
विश्वभर ३ लाख १८ हजार २ सय १३ जनाको कोरोना संक्रमणपछि मृत्यु भइसकेको छ। मृत्यु हुनेको संख्या अमेरिकामा सर्वाधिक ९० हजार ३ सय ९ जनाको मृत्यु भइसकेको छ।
त्यस्तै, बेलायतमा ३४ हजार ८ सय ७६, इटालीमा ३२ हजार ७, फ्रान्समा २८ हजार २ सय ४२ को मृत्यु भइसकेको छ।
विश्वभर १७ लाख ८४ हजार ६ सय ५३ संक्रमित अहिले संक्रमणमुक्त भएका छ्न्। संक्रमणमुक्त हुनेको संख्या पनि अमेरिकामा नै सर्वाधिक छ। त्यहाँ २ लाख ८३ हजार १ सय ७८, जर्मनीमा १ लाख ५५ हजार ४१, स्पेनमा १ लाख ५० हजार ३ सय ७६ जना अहिले संक्रमणमुक्त भएका छन्।
नेपालमा ३ सय ७५ जनामा संक्रमण पुष्टि भएको छ। सोमबार एकैदिन ८० जनामा संक्रमण पुष्टि भएको थियो।
संक्रमितहरुमध्ये २ जनाको मृत्यु भइसकेको छ भने ३६ जना संक्रमणमुक्त भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
