आपत्कालीन बेला सबैतिर
धनी नागरिक आफ्ना देशतिर
नेपाली भने अड्के विदेशतिर
नेताहरूलाई छैन कत्ति पीर।
देशको प्राथमिकतामा विदेशी
कार्यान्वयनमा चाँहि दिमाग खल्बल
विदेशी दलालतिर मात्रै बल
अनि कहाँबाट आउँछ प्रतिफल?
स्वास्थ्य, शिक्षा सबैतिर राजनीति
बुझिसक्नु छैन विदेशी कूटनीति
जता हेर्यो उतै विकृति
नसके घर जान देऊ अनुमति।
युवा पिंढी विदेश पलायन
वृद्धहरू भिजिट भिसामा 'फरेन'
बालबालिकाहरू अनलाइन पढिरहेछन्
सपनाको मोनोरेल चढिरहेछन्।
आहा! नेपाल, प्रकृतिको उपहार
किन बनायौ छिमेकीलाई पालनहार?
कमिसनले देश रित्याउने भयौ
सांसदहरू मात्रै बढाउने भयौ।
चुनावका वाचा कहाँ गए होलान्?
मौका मिले पार्टी फुटाई हाल्लान्
त्यो पनि नपुगे अध्यादेश जारी गर्लान्
अलिक दिनमा फेरि फिर्ता लेलान्।
जलश्रोतको धनी देश हाम्रो
संस्कृति र परम्परा कति राम्रो
लाने रे लिपुलेक र कालापानी हाम्रो
लाचार सरकार! सुनिदेऊ न यो गुहार।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775833619.png)
-1764146706.png)
-1775575666.png)
