काठमाडौं- चालु आर्थिक वर्ष २०७६/७७ को माघ मसान्तसम्म देशभर २ लाख ३१ हजार ८ सय २८ वटा सवारीसाधन दर्ता भएका छन्। यो अवधिमा सबैभन्दा धेरै दुईपांग्रे सवारी दर्ता भएको यातायात व्यवस्था विभागले जनाएको छ।
विभागको तथ्यांकअनुसार साउनदेखि माघसम्मको अवधिमा १ लाख ९८ हजार ६२ वटा मोटरसाइकल दर्ता भएका छन्। आव २०७५/७६ मा देशभर ३ लाख ५९ हजार ७० हजार २ सय ३८ वटा सवारीसाधन दर्ता भएको थियो।
चालु आवको ७ महिनामा २ लाख ३१ हजार ८ सय २८ वटा दर्ता भएका छन्। मोटरसाइकलपछि धेरै दर्ता हुने सवारीमा कार/जिप/भ्यान रहेका छन्। ७ महिनामा देशभर १० हजार ९ सय ७५ वटा कार/जिप/भ्यान दर्ता भएको विभागले जनाएको छ।
त्यस्तै धेरै दर्ता हुनेमा अर्काे टेम्पो रहेको छ। ७ महिनामा देशभर ५ हजार ४ सय ५५ वटा टेम्पो दर्ता भएको तथ्यांक छ। टेम्पोपछि धेरै दर्ता हुने सवारीमा पिकअप रहेको छ। यो माघ मसान्तसम्म ४ हजार २ सय ८५ वटा दर्ता भएका छन्। आयोजनाहरुको काम बढेकाले पिकअपको बिक्री बढेको हो।
साउनदेखि माघसम्मको अवधिमा देशभर ४ हजार ६ सय ६३ वटा ट्याक्टर र पावरटेलर दर्ता हुँदा ३ हजार ३ सय ९० वटा क्रेन/डोजर/एस्काभेटर/ट्रक दर्ता भएका छन्। ८ महिनामा २ हजार ८३ वटा बस, ८ सय ४२ वटा मिनिट्रक/मिनिबस, ३ सय ८१ वटा माइक्रो, ८ सय ७६ वटा इ–रिक्सा र २ सय १६ वटा अन्य सवारीसाधन दर्ता भएका छन्।
विश्वव्यापी महामारीको रुपमा फैलिएको कोरोना भाइरस (कोभिड–१९)का कारण सरकारले गत चैत २१ देखि लकडाउन लागू गरेको थियो। सो लकडाउन जेठ ५ गतेसम्मका लागि लम्ब्याइएको छ। यो अवधिमा सवारी बिक्री शून्य नै छ।
चैत अगावैदेखि सवारी बिक्रीमा उल्लेख्य गिरावट आएकाले यो वर्ष सवारी दर्ता निक्कै कम हुने अनुमान विभागले गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
