तब्लिक जमातीलाई तत्काल कोरोना परीक्षण गराउन मुस्लिम संघको अपिल

कोरोना अपडेट

नेपाल लाइभ बुधबार, वैशाख १०, २०७७ १५:१४

काठमाडौं- मुस्लिम संघ नेपालले तब्लिक जमातीहरूलाई स्थानीय तहको सम्पर्कमा गएर तत्काल र्‍यापिड परीक्षण गराउन अपिल गरेको छ।

जमातीहरूले कोरोना संक्रमण फैलाएको भन्ने हल्ला व्यापक भएपछि सबैलाई स्थानीय तहका सम्पर्कमा गएर परीक्षण गराउन संघले अपिल गरेको हो। संघका अध्यक्ष अब्दुल सतारले नेपालमा रहेका तब्लिक अगुवाहरुलाई जुन जिल्लामा भएपनि परीक्षण गराएर कोरोनामुक्त रहेको प्रमाणपत्र लिन आग्रह गरेका हुन्।

‘अझै पनि समय छ। नेपालमा रहेका तब्लिकका अगुवा साथीहरु कुन—कुन जिल्लामा को कहाँ छन् उनीहरुलाई तत्काल स्थानीय सरकारको सम्पर्कमा गएर र्‍यापिड टेस्ट गराई कोरोना संक्रमण छैन भन्ने प्रमाणपत्र लिएर मात्रै बस्नुहोला भनेर अनुरोध गर्दछु,’उनले भने।

अध्यक्ष सतारले तब्लिक जमातीहरू संक्रमण फैलाउने समूह नभएको कुरामा विश्वस्त हुन आग्रह समेत गरेका छन्। जमाती समूह निःस्वार्थ हिसाबले प्रवचनमा हिँड्ने र आफ्नो धर्मको प्रशिक्षण गराउने काममा मात्रै लाग्ने भएका कारण बजार हल्लाको पछि नलाग्न उनले आग्रह गरे।

विशुद्ध धार्मिक कार्यक्रम भएकाले जमातीहरूलाई छुनै नहुने, उनीहरूको बाटो हिड्नै नहुने भन्ने धारणा त्याग्न पनि उनले सबैमा आग्रह गरे। कुनै पनि संक्रमण जाति र वर्ग विशेष भनेर नफैलिने उल्लेख गर्दै उहाँले नेपाल सरकारले घोषणा गरेको लकडाउनका पालना गर्दै सामाजिक दुरी कायम गर्न सबैमा आग्रह गरे।

अध्यक्ष सतारले रमदानमा सामूहिक नमाज पढ्ने र रोजा गर्ने प्रचलन रहँदै आएकोमा यो वर्ष एक ठाउँमा भेला भएर गर्नुभन्दा घरमा सामाजिक दुरी कायम गरेर पढ्न आग्रह गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

‘सही कथा भएमा काठमाडौं मेरा फिल्मको सुटिङ थलो बन्नेछ’

जर्मनीद्वारा युरोपेली सङ्घलाई ट्रम्पको शुल्क तयारी गर्न आग्रह

एक्सन स्पोर्ट्सको युट्युबमा एनपिएल हेर्न सकिने